ಡಿಕ್ಟೇಟರ್‌ ಆಫ್ ಡಾರ್ಕ್‌ ವರ್ಲ್ಡ್ ‘ಹಿಟ್ಲರ್‌’ ಎಂಟ್ರಿಗೆ ಕೌಂಟ್‌ಡೌನ್‌

“ಹಿಟ್ಲರ್‌’ ಎಂಬ ಹೆಸರನ್ನು ಬಹುತೇಕ ಎಲ್ಲರೂ ಕೇಳಿರುತ್ತೀರಿ. ಸರ್ವಾಧಿಕಾರಿಯಾಗಿ ಅಬ್ಬರಿಸಿದ್ದ “ಹಿಟ್ಲರ್‌’ ಕೆಲವರ ಪಾಲಿಗೆ ಹೀರೋ ಆದರೆ, ಇನ್ನು ಕೆಲವರ ಪಾಲಿಗೆ ಎಂದೆಂದಿಗೂ ಕ್ಷಮಿಸಲಾಗದ ವಿಲನ್‌. ಈಗ ಇದೇ “ಹಿಟ್ಟರ್‌’ ಹೆಸರಿನಲ್ಲಿ ಸಿನಿಮಾವೊಂದು ಇಂದು ತೆರೆಗೆ ಬಂದಿದೆ.

ಅಂದಹಾಗೆ, ಈ ಸಿನಿಮಾದ ಹೆಸರು, “ಹಿಟ್ಲರ್‌’ ಅಂತಿದ್ದರೂ, ಇದೇನೂ ಸರ್ವಾಧಿಕಾರಿ ಅಡಾಲ್ಫ್ ಹಿಟ್ಲರ್‌ ಬಯೋಪಿಕ್‌ ಅಲ್ಲ. ಇದೊಂದು ಔಟ್‌ ಆ್ಯಂಡ್‌ ಔಟ್‌ ಅಂಡರ್‌ವಲ್ಡ್‌ ಕಂ ಲವ್‌ ಕಥಾಹಂದರದ ಸಿನಿಮಾ. ಸಿನಿಮಾದ ಸಬೆjಕ್ಟ್ ಮತ್ತು ಹೀರೋ ಪಾತ್ರಕ್ಕೆ ಹೊಂದಾಣಿಕೆಯಾಗುತ್ತದೆ ಎಂಬ ಕಾರಣಕ್ಕೆ ತಮ್ಮ ಸಿನಿಮಾಕ್ಕೆ “ಹಿಟ್ಲರ್‌’ ಎಂದು ಹೆಸರಿಡಲಾಗಿದೆ ಅನ್ನೋದು ಚಿತ್ರತಂಡದ ವಿವರಣೆ.

“ಕೆಜಿಎಫ್’ ಚಿತ್ರದ ಗೀತ ಸಾಹಿತ್ಯದ ಮೂಲಕ ಗಮನ ಸೆಳೆದಿದ್ದ ಕಿನ್ನಾಳ್‌ ರಾಜ್‌ “ಹಿಟ್ಲರ್‌’ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಾಹಿತ್ಯ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದಾರೆ.

ಇದನ್ನೂ ಓದಿ:ತಮಗಿಂತ ಚಿಕ್ಕ ಹುಡುಗನ ಜೊತೆ ಡೇಟಿಂಗ್ ಮಾಡುವ ಬಗ್ಗೆ ಹೇಳಿಕೊಂಡ ರಶ್ಮಿಕಾ

ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ಕಿನ್ನಾಳ್‌ ರಾಜ್‌, “ಅಂಡರ್‌ ವಲ್ಡ್‌ನಲ್ಲಿರುವ ಅನಾಥ ಹುಡುಗನೊಬ್ಬನ ಸುತ್ತ ಇಡೀ ಸಿನಿಮಾ ಸಾಗುತ್ತದೆ. ಮುಂದೆ ತನ್ನ ದಾರಿ ಸರಿಯಿಲ್ಲವೆಂದು ಅರಿತು, ಅದರಿಂದ ಹೊರ ಬರುವಾಗ ಆತ ಏನೇನು ಕಷ್ಟಗಳು ಎದುರಿಸುತ್ತಾನೆ. ಅದೆಲ್ಲವನ್ನು ಹೇಗೆ ನಿಭಾಯಿಸುತ್ತಾನೆ ಎಂಬುದು ಸಿನಿಮಾ ಒನ್‌ಲೈನ್‌ ಸ್ಟೋರಿ. ಇಲ್ಲಿ ಲವ್‌, ಸೆಂಟಿಮೆಂಟ್‌, ಆ್ಯಕ್ಷನ್‌ ಎಲ್ಲವೂ ಇದೆ. ಎಲ್ಲ ವರ್ಗದ ಆಡಿಯನ್ಸ್‌ಗೂ ಇಷ್ಟ ವಾಗುವಂತೆ ಸಿನಿಮಾ ಮಾಡಿದ್ದೇವೆ’ ಎಂದು ಚಿತ್ರದ ಕಥಾಹಂದರದ ವಿವರಣೆ ನೀಡುತ್ತಾರೆ.

“ಹಿಟ್ಲರ್‌’ ಬಗ್ಗೆ ಮಾತನಾಡುವ ಲೋಹಿತ್‌, “ಸಾಮಾನ್ಯವಾಗಿ “ಹಿಟ್ಲರ್‌’ ಅಂದ್ರೆ ಎಲ್ಲರಿಗೂ ಉಗ್ರ ಮತ್ತು ಗಂಭೀರ ರೂಪ ಕಣ್ಮುಂದೆ ಬರುತ್ತದೆ. ಅಂಥದ್ದೇ ಪಾತ್ರ ಈ ಸಿನಿಮಾದಲ್ಲಿ ನನಗೂ ಸಿಕ್ಕಿದೆ. ಇದೊಂದು ಅಂಡರ್‌ ವಲ್ಡ್‌ ಸಬೆjಕ್ಟ್ ಆಗಿದ್ದು, ಇದರಲ್ಲಿ ನಾನು ಗ್ಯಾಂಗ್‌ಸ್ಟರ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ’ ಎನ್ನುತ್ತಾರೆ.

“ಹಿಟ್ಲರ್‌’ ಚಿತ್ರದಲ್ಲಿ ಲೋಹಿತ್‌ಗೆ ನಾಯಕಿಯಾಗಿ ಸಸ್ಯಾ ಜೋಡಿಯಾಗಿ ದ್ದಾರೆ. ಚಿತ್ರದ 3 ಹಾಡುಗಳಿಗೆ ಆಕಾಶ್‌ ಪರ್ವ ಸಂಗೀತವಿದ್ದು, “ಗಾನಶಿವ ಮೂವೀಸ್‌’ ಬ್ಯಾನರ್‌ನಲ್ಲಿ ಮಮತಾ ಲೋಹಿತ್‌ “ಹಿಟ್ಲರ್‌’ ಚಿತ್ರವನ್ನು ನಿರ್ಮಿಸಿದ್ದಾರೆ.