ಇಂದು ಬಿಸಿಸಿಐನಿಂದ ಐತಿಹಾಸಿಕ ಇ-ಹರಾಜು

ನವದೆಹಲಿ: ಭಾರತದಲ್ಲಿ ನಡೆಯಲಿರುವ ದ್ವಿಪಕ್ಷೀಯ ಕ್ರಿಕೆಟ್‌ ಪಂದ್ಯಗಳ ನೇರಪ್ರಸಾರದ ಹಕ್ಕಿಗಾಗಿ ಬಿಸಿಸಿಐ ಇ-ಹರಾಜು ಕರೆದಿದೆ. 

ಮಂಗಳವಾರ ಮುಂಬೈನಲ್ಲಿ ಬಿಡ್ಡಿಂಗ್‌ ನಡೆಯಲಿದ್ದು, ಇದೇ ಮೊದಲ ಬಾರಿ ಬಿಸಿಸಿಐ ಆನ್‌ಲೈನ್‌ ಮೂಲಕ ಬಿಡ್ಡಿಂಗ್‌ ನಡೆಸಲಿದೆ.

ಆದ್ದರಿಂದ ಬಿಸಿಸಿಐ ಪಾಲಿಗೆ ಇದು ಐತಿಹಾಸಿಕವೆನಿಸಿಕೊಂಡಿದೆ. ಇದಕ್ಕೂ ಮುನ್ನ ಮುಚ್ಚಿದ ಲಕೋಟೆಯಲ್ಲಿ ಬಿಡ್ಡಿಂಗ್‌ ದಾಖಲೆಗಳನ್ನು ಬಿಸಿಸಿಐಗೆ ಸಲ್ಲಿಸುವ ಪದಟಛಿತಿಯಿತ್ತು. ಲೋಧಾ ಸಮಿತಿ ತನ್ನ ಶಿಫಾರಸಿನಲ್ಲಿ ಈ ಕ್ರಮಕ್ಕೆ ತಿಲಾಂಜಲಿ ನೀಡಿದೆ. ಸ್ಟಾರ್‌, ಸೋನಿ, ಜಿಯೋ, ಫೇಸ್‌ಬುಕ್‌, ಗೂಗಲ್‌ ಬಿಡ್ಡಿಂಗ್‌ನಲ್ಲಿ ಪಾಲ್ಗೊಳ್ಳಲಿವೆ. 2018ರಿಂದ 2023ರವರೆಗೆ ಭಾರತದಲ್ಲಿ ನಡೆಯುವ ಪಂದ್ಯಗಳಿಗಾಗಿ ಬಿಸಿಸಿಐ 3 ವಿಭಾಗದಲ್ಲಿ ಬಿಡ್ಡಿಂಗ್‌ ಕರೆದಿದೆ. 1.ಜಾಗತಿಕ ಟೀವಿ ಮತ್ತು ಡಿಜಿಟಲ್‌ ಹಕ್ಕು (ಪ್ರತಿಪಂದ್ಯಕ್ಕೆ 35ಕೋಟಿ ರೂ.). 2.ಭಾರತೀಯ ಉಪಖಂಡದಲ್ಲಿ ಡಿಜಿಟಲ್‌ ಹಕ್ಕು (ಪ್ರತಿಪಂದ್ಯಕ್ಕೆ 8 ಕೋಟಿ ರೂ.).3. ಏಕೀಕೃತ ಜಾಗತಿಕ ಹಕ್ಕು (ಪ್ರತಿ ಪಂದ್ಯಕ್ಕೆ 43 ಕೋಟಿ ರೂ.).