ಹಿರಿಯಡಕ ಮಧ್ಯಪೇಟೆ: ಬಾವಿ ಸಂಪೂರ್ಣ ಕುಸಿತ

ಹಿರಿಯಡಕ (ಹೆಬ್ರಿ): ಹಿರಿಯಡಕ ಪೇಟೆ ಮಧ್ಯದಲ್ಲಿರುವ ಸುಮಾರು 150 ವರ್ಷ ಇತಿಹಾಸ ಹೊಂದಿರುವ ಸರಕಾರಿ ಬಾವಿ ಸಂಪೂರ್ಣ ಕುಸಿದು ಜನರಲ್ಲಿ ಆತಂಕ ಮೂಡಿಸಿದೆ.

ಹಿರಿಯಡಕ ಪ್ರಮುಖ ರಸ್ತೆಯ ಮಧ್ಯಭಾಗದಲ್ಲಿರುವ ಬಾವಿ ಇಲ್ಲಿನ ಸುತ್ತಮುತ್ತಲಿನ ಮನೆಗಳು ಸೇರಿದಂತೆ ಹೆಚ್ಚಿನ ಅಂಗಡಿಗಳಿಗೆ ನೀರನ್ನು ಪೂರೈಸುವ ಬಾವಿ ಯಾಗಿದೆ.
ಈ ಬಾವಿಯನ್ನು ಸಂಪೂರ್ಣ ಕಲ್ಲುಗಳಿಂದ ಕಟ್ಟಲಾಗಿತ್ತು. ಆದರೂ ಕೂಡ ಕಳೆದ ಮೂರು ದಿನಗಳಲ್ಲಿ ಬಾವಿ ತಳಭಾಗದಲ್ಲಿ ಕುಸಿತ ಆರಂಭಗೊಂಡು ಇದೀಗ ಅವರಣ ಸಹಿತ ಸಂಪೂರ್ಣ ಕುಸಿದು ಬಿದ್ದಿದೆ.