ಬಾಲಕನ ನುಂಗಿ, ಉಗುಳಿದ ನೀರ್ಗುದುರೆ! ಆದರೆ ಪವಾಡವೆಂಬಂತೆ ಬಾಲಕ ಬದುಕುಳಿದ….

ಕಂಪಲಾ: ಉಗಾಂಡದಲ್ಲಿ ನೀರ್ಗುದುರೆ (ಹಿಪ್ಪೋಪೊಟಮಸ್‌)ಯೊಂದು 2 ವರ್ಷದ ಬಾಲಕನನ್ನು ನುಂಗಿದೆ. ಆದರೆ, ಪವಾಡವೆಂಬಂತೆ, ಕ್ಷಣಮಾತ್ರದಲ್ಲಿ ಬಾಲಕನನ್ನು ಅದು ಉಗುಳಿದ್ದು, ಆತ ಬದುಕುಳಿದಿದ್ದಾನೆ.

ಕಾಟ್ವೆ ಎಂಬ ನಗರದಲ್ಲಿ ಸರೋವರದ ಪಕ್ಕದಲ್ಲೇ ಬಾಲಕನ ಮನೆಯಿದೆ. ಆಟವಾಡುತ್ತಾ ಸರೋವರದ ಬಳಿ ಬಂದಾಗ, ಹಸಿದಿದ್ದ ನೀರ್ಗುದುರೆಯೊಂದು ಥಟ್ಟೆಂದು ಬಾಲಕನನ್ನು ನುಂಗಿಬಿಟ್ಟಿದೆ. ಇದನ್ನು ಕಂಡೊಡನೆ ಅಲ್ಲೇ ಇದ್ದ ಯುವಕ ಒಂದೇ ಸಮನೆ ನೀರ್ಗುದುರೆಯ ಮೇಲೆ ಕಲ್ಲೆಸೆಯಲು ಆರಂಭಿಸಿದ್ದಾನೆ.

ಕಲ್ಲೆಸೆತ ತಾಳಲಾರದೇ ನೀರ್ಗುದುರೆಯು ನುಂಗಿದ್ದ ಬಾಲಕನನ್ನು ಹೊರಗೆ ಉಗುಳಿದೆ. ಬಾಲಕನ ಕೈ ಹಾಗೂ ದೇಹದ ಇತರೆ ಕೆಲ ಭಾಗಗಳಿಗೆ ಗಾಯಗಳಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಮನೆಗೆ ಮರಳಿದ್ದಾನೆ.