ಪ್ಯಾರಾ ಕಮಾಂಡೋಗೆ ಹಿಪ್ಪರಗಿ ಯುವಕ ಆಯ್ಕೆ

ಜಮಖಂಡಿ: ಭಾರತೀಯ ಸೈನ್ಯದ ಬಲಿಷ್ಠ ಪಡೆ ಪ್ಯಾರಾ ಕಮಾಂಡೋಗೆ ಹಿಪ್ಪರಗಿ ಗ್ರಾಮದ ಯೋಧ ವಿಠ್ಠಲ ಸನದಿ ಆಯ್ಕೆಯಾಗಿದ್ದಾರೆ.

ವಿಠ್ಠಲ ಸನದಿ ದೇಶಸೇವೆ ಮತ್ತು ಸೈನ್ಯದ ಬಗ್ಗೆ ಹೆಚ್ಚಿನ ಆಸಕ್ತಿ ಹೊಂದಿದ್ದ. ಶಾಲಾ-ಕಾಲೇಜು  ಅವಧಿಯಲ್ಲಿ ಎನ್‌ಸಿಸಿಯಂತಹ ಕೋರ್ಸ್‌ಗಳಲ್ಲಿ ತೇರ್ಗಡೆಯಾಗಿ ಶಿಸ್ತಿನ ಸಿಪಾಯಿಯಾಗಿದ್ದ. 2016ರಲ್ಲಿ ಪದವಿ ಶಿಕ್ಷಣ ಮುಗಿಸಿ ಭಾರತೀಯ ಸೈನ್ಯದ ಆರ್ಮಿ ಸರ್ವಿಸ್‌ ಕೋರ್‌ ವಿಭಾಗಕ್ಕೆ ಕ್ಲರ್ಕ್‌ ವಿಭಾಗದಲ್ಲಿ ಸೇವೆ ಆರಂಭಿಸುವ ಮೂಲಕ ಯೋಧನಾಗಿ ಕಠಿಣ ಪರಿಶ್ರಮದಿಂದ ಪ್ಯಾರಾ ಕಮಾಂಡೋ ಪಡೆಗೆ ಸೇರಬೇಕೆಂಬ ಮಹದಾಸೆ ಹೊಂದಿದ್ದ. ಕಠಿಣ ತರಬೇತಿಯೊಂದಿಗೆ ಉತ್ತಮ ಸಾಧನೆ ಮಾಡುವ ಮೂಲಕ ಇದೀಗ ಕಮಾಂಡೋ ಪಡೆ ಯೋಧನಾಗಿದ್ದಾನೆ.