ಹಿಮಾಚಲ ಪ್ರದೇಶದ ಒಟ್ಟು ಸಾಲದ ಹೊರೆ 49,745 ಕೋಟಿ ರೂ.

ಶಿಮ್ಲಾ : 2019ರ ಜನವರಿ ವರೆಗಿನ ಅವಧಿಗೆ ಹಿಮಾಚಲ ಪ್ರದೇಶದ ಒಟ್ಟು ಸಾಲದ ಹೊರೆ 49,745 ಕೋಟಿ ರೂ.ಗಳಿಗೆ ಏರಿದೆ ಎಂದು ಮುಖ್ಯಮಂತ್ರಿ ಜೈರಾಮ್‌ ಠಾಕೂರ್‌ ಇಂದು ಬುಧವಾರ ರಾಜ್ಯ ವಿಧಾನಸಭೆಯಲ್ಲಿ ಪ್ರಕೃತ ಸಾಗುತ್ತಿರುವ ಬಜೆಟ್‌ ಅಧಿವೇಶನದಲ್ಲಿ ಹೇಳಿದರು. 

ರಾಜ್ಯದ ಜಿಡಿಪಿಯ ಶೇ.3ರ ವರೆಗಿನ ಪ್ರಮಾಣದಲ್ಲಿ ಸಾಲ ಪಡೆಯುವ ಗರಿಷ್ಠ ಪರಿಮತಿ ಇದೆ; 2018-19ರ ಸಾಲಿನ ರಾಜ್ಯದ ಜಿಡಿಪಿಯನ್ನು 4,524 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ ಎಂದವರು ತಮ್ಮ ಲಿಖೀತ ಉತ್ತರದಲ್ಲಿ ಹೇಳಿದ್ದಾರೆ.

ಹಾಲಿ ಹಣಕಾಸು ವರ್ಷದಲ್ಲಿ ಜನವರಿ 15ರ ವರೆಗಿನ ಅವಧಿಯಲ್ಲಿ ಸರಕಾರ 1,838.75 ಕೋಟಿ ರೂ. ಸಾಲ ಪಡೆದಿದೆ. ರಾಜ್ಯದ ಸಾಲವನ್ನು ಮನ್ನಾ ಮಾಡುವ ಪ್ರಸ್ತಾವವನ್ನು ಸರಕಾರ ಕೇಂದ್ರಕ್ಕೆ ಒಯ್ದಿಲ್ಲ ಎಂದು ಸಿಎಂ ಹೇಳಿದರು.