Corruption; ರೈಲ್ವೇ ನೌಕರರ ವಿರುದ್ಧ ಅತೀ ಹೆಚ್ಚು ಭ್ರಷ್ಟಾಚಾರ ದೂರು ದಾಖಲು: ಸಿವಿಸಿ

ಹೊಸದಿಲ್ಲಿ: ಕಳೆದ ವರ್ಷ ರೈಲ್ವೇ ಇಲಾಖೆ ಉದ್ಯೋಗಿಗಳ ವಿರುದ್ಧ ಅತೀ ಹೆಚ್ಚು ಭ್ರಷ್ಟಾಚಾರ ದೂರು ದಾಖಲಾಗಿವೆ ಎಂದು ಕೇಂದ್ರ ವಿಚಕ್ಷಣ ದಳ ಹೇಳಿದೆ. ಈ ಪಟ್ಟಿಯಲ್ಲಿ ರೈಲ್ವೇ ಇಲಾಖೆ ಅನಂತರದ ಸ್ಥಾನದಲ್ಲಿ ದಿಲ್ಲಿ ಸ್ಥಳೀಯ ಸಂಸ್ಥೆಗಳು ಮತ್ತು ಸರಕಾರಿ ಬ್ಯಾಂಕ್‌ಗಳಿವೆ.

2023ರಲ್ಲಿ ಎಲ್ಲ ಸ್ತರದ ಅಧಿಕಾರಿ ಗಳು ಮತ್ತು ನೌಕರರ ವಿರುದ್ಧ 74,203 ಭ್ರಷ್ಟಾಚಾರ ದೂರು ದಾಖಲಾ ಗಿವೆ. 66,373 ದೂರು ವಿಲೇ ವಾರಿ ಮಾಡಲಾಗಿದ್ದು, 7,830 ದೂರು ಬಾಕಿ ಉಳಿದಿವೆ. ರೈಲ್ವೇ ಇಲಾಖೆ ವಿರುದ್ಧ ದಾಖಲಾದ ಒಟ್ಟು 9,881 ದೂರುಗಳ ಪೈಕಿ 566 ದೂರುಗಳ ವಿಲೇವಾರಿಗೆ ಬಾಕಿ ಉಳಿದಿವೆ.

ಇದೇ ವೇಳೆ, ಸಾರ್ವಜನಿಕ ಬ್ಯಾಂಕ್‌ಗಳ ನೌಕರರ ವಿರುದ್ಧ 7,004 ಭ್ರಷ್ಟಾಚಾರ ದೂರುಗಳು ದಾಖಲಾಗಿದ್ದು, ಈ ಪೈಕಿ 6,667 ದೂರುಗಳನ್ನು ವಿಲೇವಾರಿ ಮಾಡಲಾಗಿದೆ.