ಸಾಗರದಡಿ ಹೈಸ್ಪೀಡ್‌ ರೈಲು! ಮಹಾ ಸಾಹಸಕ್ಕೆ ಮುಂದಾದ ಚೀನ ಸರಕಾರ

ಬೀಜಿಂಗ್‌: ಇತ್ತೀಚೆಗಷ್ಟೆ, ಜಗತ್ತಿನ ಅತ್ಯಂತ ಎತ್ತರದ ಸ್ಥಳದಲ್ಲಿ ಪ್ಯಾಸೆಂಜರ್‌ ಹೈಸ್ಪೀಡ್‌ ಬುಲೆಟ್‌ ರೈಲು ಓಡಿಸುವ ಮೂಲಕ ಜಗತ್ತಿನ ಗಮನ ಸೆಳೆದಿರುವ ಚೀನ, ಮುಂಬರುವ ವರ್ಷಗಳಲ್ಲಿ ಅಮೆರಿಕ, ರಷ್ಯಾ, ಕೆನಡಾ ಹಾಗೂ ಪೆಸಿಫಿಕ್‌-ಅಟ್ಲಾಂಟಿಕ್‌ ಸಮುದ್ರದ ನಡುವಿನ ಬೆರಿಂಗ್‌ ಜಲಸಂಧಿ ಪ್ರದೇಶಗಳಿಗೆ ಸಾಗರದಡಿ ಇದೇ ಮಾದರಿಯ ಅತಿವೇಗದ ಬುಲೆಟ್‌ ರೈಲು ಮಾರ್ಗಗಳನ್ನು ನಿರ್ಮಿಸುವ ಹೊಸ ಸಾಹಸಕ್ಕೆ ಕೈ ಹಾಕಲಿದೆ.

ಮೊದಲು ಲಂಡನ್‌: 2014ರಲ್ಲಿಯೇ ಈ ಯೋಜನೆ ಸಿದ್ಧಗೊಂಡಿತ್ತು. ಈ ಯೋಜನೆ ಅನುಷ್ಠಾನದ ಮೊದಲ ಹಂತದಲ್ಲಿ, ಲಂಡನ್‌, ಪ್ಯಾರಿಸ್‌, ಬರ್ಲಿನ್‌, ವಾರ್ಸಾವ್‌, ಕ್ವಿವ್‌ ಹಾಗೂ ಮಾಸ್ಕೋಕ್ಕೆ ಮೊದಲ ರೈಲು ಸಂಪರ್ಕ ಕಲ್ಪಿಸಲಾಗುತ್ತದೆ. ಚೀನದ ಉರುಂಕ್ವಿ ಯಿಂದ ಶುರುವಾಗಲಿರುವ ಈ ಮಾರ್ಗ, ಸಮುದ್ರದಡಿ, ಕಜಕಿಸ್ಥಾನ, ಉಜ್ಬೇಕಿಸ್ಥಾನ, ತುರ್ಕ್‌ಮೆನಿಸ್ಥಾನ, ಇರಾನ್‌, ಟರ್ಕಿ ತಲುಪಿ ಆಅನಂತರ ಜರ್ಮನಿಯನ್ನು ಪ್ರವೇಶಿಸಲಿದೆ.

ಅಮೆರಿಕಕ್ಕೆ 2 ದಿನ: ಚೀನದಿಂದ ಬೇರಿಂಗ್‌ ಜಲ ಸಂಧಿಗೆ ಸಾಗಬೇಕಾದರೆ, ಸಮುದ್ರದಡಿ ಯಲ್ಲಿ ಸುಮಾರು 200 ಕಿ.ಮೀ.ವರೆಗೆ ಸುರಂಗ ನಿರ್ಮಿಸಬೇಕಾ ಗುತ್ತದೆ. ಇದು ಸಾಧ್ಯವಾದರೆ, ಚೀನ ದಿಂದ ಅಮೆರಿಕಕ್ಕೆ 2 ದಿನದಲ್ಲಿ ಪ್ರಯಾಣಿಸಬಹುದು.