ಹೆಬ್ರಿ : ಕ್ರಷರ್‌ ಬಂಕರ್‌ ತುಂಡಾಗಿ ಬಿದ್ದು ಇಬ್ಬರ ದಾರುಣ ಸಾವು 

ಹೆಬ್ರಿ: ಇಲ್ಲಿನ ಶಿವಪುರದ ಕಲ್ಲು ಕೋರೆ ಯೊಂದರಲ್ಲಿ ಜಲ್ಲಿ ಕ್ರಷರ್‌ ಬಂಕರ್‌ ತುಂಡಾಗಿ ಟಿಪ್ಪರ್‌ ಮೇಲೆ ಬಿದ್ದ ಪರಿಣಾಮ ಇಬ್ಬರು ಕಾರ್ಮಿಕರು ದಾರುಣವಾಗಿ ಸಾವನ್ನಪ್ಪಿದ ಘಟನೆ ಶನಿವಾರ ನಡೆದಿದೆ.

ಟಿಪ್ಪರ್‌ಗೆ ಜಲ್ಲಿ ತುಂಬಿಸುವ ವೇಳೆ ಅವಘಡ ಸಂಭವಿಸಿದ್ದು , ಕಾರ್ಮಿಕರಾದ ಉತ್ತರ ಪ್ರದೇಶ ಮೂಲದ ಜಗದೀಶ್‌ (40) ಮತ್ತು ರಾಮನಗರ ತಾಲೂಕಿನ ಸಂಜೀವ (30) ಸಾವನ್ನಪ್ಪಿದ್ದಾರೆ.

ಸ್ಥಳಕ್ಕೆ ಹೆಬ್ರಿ ಠಾಣಾ ಪೊಲೀಸರು ಆಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.