ಭಾರೀ ಮಳೆ : ರಾಜ್ಯದಲ್ಲಿ 2,195 ಗ್ರಾಮ ಮುಳುಗಡೆ,115 ಕೋಟಿ ರೂ. ನಷ್ಟ

ರಾಜ್ಯದಾದ್ಯಂತ ಈ ಭಾರೀ ಮಳೆಯಾಗಿದ್ದು ನೆರೆಯಿಂದಾಗಿ 4,288 ಮಂದಿಯನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಬೇಕಾಯಿತು. ಜು. 10 ರಂದು ಮಲಪ್ಪುರಂನಲ್ಲಿ ಒಬ್ಬರು ನೀರು ಪಾಲಾಗಿದ್ದಾರೆ. ಭಾರೀ ಮಳೆಯ ಪರಿಣಾಮವಾಗಿ ವರ್ಕಲ ಪಾಪನಾಶದಲ್ಲಿ ಗುಡ್ಡೆ ಕುಸಿದು ಮೂವರು ಗಾಯಗೊಂಡಿದ್ದಾರೆ. ರಾಜ್ಯದಲ್ಲಿ 276 ಮನೆಗಳು ಪೂರ್ಣವಾಗಿಯೂ, 7149 ಮನೆಗಳು ಭಾಗಶಃ ಹಾನಿಗೀಡಾಗಿವೆ. ಜಾನುವಾರು ಸಹಿತ 5,477 ಸಾಕು ಪ್ರಾಣಿಗಳು ಸಾವಿಗೀಡಾದವು. 3,193 ಮಂದಿಯನ್ನು ಸಂಭವನೀಯ ದುರಂತದಿಂದ ಪಾರು ಮಾಡಲಾಯಿತು. ರಾಜ್ಯದಲ್ಲಿ ಒಟ್ಟು 29,388 ಮಂದಿಯನ್ನು ತುರ್ತು ಪರಿಹಾರ ಕೇಂದ್ರಗಳಿಗೆ ತಲುಪಿಸಲಾಗಿದೆ.

ಕಾಸರಗೋಡು: ಪ್ರಸ್ತುತ ವರ್ಷ ಕೇರಳದಲ್ಲಿ ಭಾರೀ ಪ್ರಮಾಣದಲ್ಲಿ ಮುಂಗಾರು ಮಳೆ ಯಾದುದರಿಂದ 2,195 ಗ್ರಾಮಗಳು ಮುಳುಗಡೆಯಾಗಿವೆ. ಸುಮಾರು 115 ಕೋಟಿ ರೂ. ನಷ್ಟ ಸಂಭವಿಸಿದ್ದು, ಕಳೆದ 42 ದಿನಗಳಲ್ಲಿ ಕೇರಳದಲ್ಲಿ 74 ಮಂದಿ ಸಾವಿಗೀಡಾಗಿ, 25 ಮಂದಿ ಗಾಯಗೊಂಡಿದ್ದಾರೆ. ಸುಮಾರು 4.288 ಮಂದಿಯನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಬೇಕಾಯಿತು ಎಂದು ದುರಂತ ನಿವಾರಣೆ ಅಥೋರಿಟಿ ಬಹಿರಂಗ ಪಡಿಸಿದ ಅಂಕಿಅಂಶದಲ್ಲಿ ದಾಖಲಿಸಿದೆ.

ನಷ್ಟ, ನಷ್ಟ, ನಷ್ಟ
ಭಾರೀ ಮಳೆಯ ಪರಿಣಾಮವಾಗಿ ರಾಜ್ಯದಲ್ಲಿ 7,689.74 ಹೆಕ್ಟರ್‌ ಕೃಷಿ ನಾಶನಷ್ಟ ಸಂಭವಿಸಿತು. 292.78 ಕಿಲೋ ಮೀಟರ್‌ ವಿದ್ಯುತ್‌ ಲೈನ್‌, 2,016 ವಿದ್ಯುತ್‌ ಕಂಬಗಳು, 1,207 ಟ್ರಾನ್ಸ್‌ ಫಾರ್ಮರ್‌ಗಳು ಹಾನಿಗೀಡಾದವು.
ತೀವ್ರ ಮಳೆಯಿಂದಾಗಿ ರಾಜ್ಯದ ವಿವಿಧೆಡೆ ಗುಡ್ಡ ಕುಸಿತ, ಮಣ್ಣು ಕುಸಿತ, ನೆರೆ ಭೀತಿ ಕಂಡು ಬಂತು.  

ಬಿರುಗಾಳಿ: ಮೀನುಗಾರಿಕೆಗೆ ತೆರಳದಂತೆ ಇಲಾಖೆಎಚ್ಚರಿಕೆ ಮುಂದಿನ ದಿನಗಳಲ್ಲೂ ಭಾರೀ ಮಳೆಯಾಗುವ ಸಾಧ್ಯತೆಯಿದ್ದು ಜು. 17ರ ವರೆಗೆ ಬಿರುಗಾಳಿ ಸಹಿತ ಮಳೆಯಾಗುವ ಸಾಧ್ಯತೆ ಬಗ್ಗೆ ಹವಾ ಮಾನ ಇಲಾಖೆ ಮುನ್ನೆಚ್ಚರಿಕೆ ನೀಡಿದೆ.

ಕೇರಳ, ಲಕ್ಷದ್ವೀಪ ಕಡಲ ಕಿನಾರೆ ಯಲ್ಲಿ 35ರಿಂದ 45 ಕಿ.ಮೀ. ವೇಗದಲ್ಲಿ ಗಾಳಿ ಬೀಸುವ ಸಾಧ್ಯತೆಯಿದೆ ಎಂದೂ, ಮುಂದಿನ 24 ಗಂಟೆಗಳೊಳಗೆ ಮೀನು ಗಾರಿಕೆಗೆ ತೆರಳದಂತೆ ಮುನ್ನೆ ಚ್ಚರಿಕೆ ನೀಡಿದೆ. ವಯನಾಡಿನಲ್ಲಿ ತಗ್ಗು ಪ್ರದೇಶದಲ್ಲಿ ನೀರು ತುಂಬಿಕೊಂಡಿದೆ. ಕಳೆದ 24 ಗಂಟೆಗಳೊಳಗೆ ಇಡುಕ್ಕಿ ಜಿಲ್ಲೆಯಲ್ಲಿ 67.2 ಮಿ.ಮೀ. ಮಳೆ ಯಾಗಿದೆ. ಮಳೆ ನೀರು ತುಂಬಿ ಹರಿಯುವುದರಿಂದಾಗಿ ಮಲಂಗರ ಡ್ಯಾಂನಲ್ಲಿ ನಾಲ್ಕು ಶಟರ್‌ಗಳನ್ನು ತೆರೆದು ಕೊಡಲಾಗಿದೆ. ಇಡುಕ್ಕಿ ಅಣೆಕಟ್ಟಿನಲ್ಲಿ 2355.86 ಅಡಿ ನೀರು ಇದೆ. ಮುಲ್ಲ ಪೆರಿಯಾರ್‌ನಲ್ಲಿ 122.2 ಅಡಿ ನೀರು ತುಂಬಿಕೊಂಡಿದೆ.

ಕಾಸರಗೋಡು ಜಿಲ್ಲೆಯ ಬಹುತೇಕ ನದಿಗಳು ತುಂಬಿ ಹರಿಯುತ್ತಿದ್ದು, ದಿನಗಳ ಹಿಂದೆ ನದಿ ಪರಿಸರದಲ್ಲಿ ನೆರೆ ಸೃಷ್ಟಿಯಾಗಿತ್ತು. ನೂರಾರು  ಮಂದಿಯನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿತ್ತು.