ಬಿರುಗಾಳಿ ಮಳೆಗೆ ಕೋಳಿ ಫಾರಂ ಸಂಪೂರ್ಣ ನಾಶ: ಲಕ್ಷಾಂತರ ರೂ. ನಷ್ಟ

ಹುಣಸೂರು:  ಮಂಗಳವಾರ ಸಂಜೆ ಬೀಸಿದ ಬಿರುಗಾಳಿ ಸಹಿತ ಮಳೆಗೆ ನಗರ ಸಮೀಪದ ಉದ್ದೂರಿನಲ್ಲಿ ಕೋಳಿ ಫಾರಂ ಸಂಪೂರ್ಣ ನೆಲಕಚ್ಚಿದ್ದು, ಕೋಳಿ ಫಾರಂ ಲಕ್ಷಾಂತರ ರೂ ನಷ್ಟ ಸಂಭವಿಸಿದೆ.

ತಾಲೂಕಿನ ಕಸಬಾ ಹೋಬಳಿಗೆ ಸೇರಿದ ಉದ್ದೂರು ಗ್ರಾಮದ ರಾಮಚಂದ್ರ ನಾಯಕರ ಕೋಳಿ ಫಾರಂ ಸಂಪೂರ್ಣ ನಾಶವಾಗಿದ್ದು. ಬ್ಯಾಂಕಿನಿಂದ 10 ಲಕ್ಷ ಅಲ್ಲದೆ 10 ಲಕ್ಷ ಕೈ ಸಾಲ ಮಾಡಿ ಕೋಳಿ ಸಾಕಣೆ ನಡೆಸಿ ಜೀವನ ನಡೆಸುತ್ತಿದ್ದರು.

ಕೋಳಿ ಫಾರಂನ ಮೇಲ್ಚಾವಣಿ ಕುಸಿದು ಬಿದ್ದು. ಸಂಪೂರ್ಣ ನಾಶವಾಗಿರುವ ಕಾರಣ ಹೊಸ ಫಾರಂ ನಿರ್ಮಿಸಿಕೊಳ್ಳಲಾಗದೇ, ಸಾಲ ತೀರಿಸುವ ದಾರಿ ಕಾಣದೆ ಅತಂತ್ರರಾಗಿದ್ದಾರೆ. ಶಾಸಕ ಎಚ್.ಪಿ. ಮಂಜುನಾಥರು ಸರಕಾರದ ಮೇಲೆ ಒತ್ತಡ ಹಾಕಿ ನೆರವಿಗೆ ಬರಬೇಕೆಂದು ಮನವಿ ಮಾಡಿದ್ದಾರೆ.

ವಾರದಿಂದ ಸುರಿಯುತ್ತಿರುವ ಬಿರುಗಾಳಿ ಮಳೆಗೆ ಒಂದೆಡೆ ಹತ್ತಾರು ಎಕರೆ ಬೆಳೆ ನಾಶವಾದರೆ, ಮತ್ತೊಂದೆಡೆ ಮನೆಗಳಿಗೆ ಹಾನಿಯಾಗಿದೆ.