ಭಾರಿ ಮಳೆ: ಕುಸಿದು ಬಿದ್ದ ಮನೆ

ಗುಳೇದಗುಡ್ಡ; ಪಟ್ಟಣದಲ್ಲಿ ಸುರಿದ ಧಾರಾಕಾರ ಮಳೆಗೆ ಮನೆ ಕುಸಿದು ಬಿದ್ದಿದೆ. ಪಟ್ಟಣದ ಬನ್ನಿಕಟ್ಟಿಯ ಶಂಕ್ರವ್ವ ರೇವಣಪ್ಪ ಮುರಗೋಡ ಎಂಬುವರ ಮನೆಯ ಮೇಲ್ಛಾವಣಿ ಕುಸಿದು ಬಿದ್ದಿದೆ. ಹಳ್ಳ ತುಂಬಿ ಹರಿದು ಪಟ್ಟಣದ ಬಸ್‌ ನಿಲ್ದಾಣದ ಎದುರಿನ ಧುತ್ತರಗಿ ಪೆಟ್ರೋಲ್‌ ಬಂಕ್‌, ಕಟ್ಟಿಗೆ ಅಡ್ಡೆ, ಗ್ಯಾರೇಜ್‌ಗಳಿಗೆ ನೀರು ನುಗ್ಗಿದೆ. ಸೋಮವಾರದ ಮಳೆಯಿಂದ ಪಟ್ಟಣದ ಹಳ್ಳ ತುಂಬಿ ಹರಿಯುತ್ತಿದೆ.

ಧುಮ್ಮಿಕ್ಕಿ ಹರಿಯುತ್ತಿರುವ ಜಲಪಾತಗಳು: ಕಳೆದ ಎರಡೂವರೆ ದಿನಗಳಿಂದ ಉತ್ತಮ ಮಳೆಯಾಗುತ್ತಿದೆ. ಇದರಿಂದ ಪಟ್ಟಣದ ವ್ಯಾಪ್ತಿಯಲ್ಲಿ ಬರುವ ಗುಳೇದಗುಡ್ಡದ ಹಿರೇಹಳ್ಳದ ದಿಡಗು (ಜಲಪಾತ), ಹಾನಾಪುರದ ಹಾಲಹಂಡೆ, ಹುಲ್ಲಿಕೇರಿ ಸಮೀಪದ ಅವ್ವಕ್ಕನ ಕೊಳ್ಳಗಳು ಮಳೆಯಿಂದ ಧುಮ್ಮಿಕ್ಕಿ ಹರಿಯುತ್ತಿವೆ.