ಚಿಕ್ಕಮಗಳೂರು: ಧಾರಾಕಾರ ಮಳೆಗೆ ನದಿಗಳಂತಾದ ರಸ್ತೆಗಳು

ಚಿಕ್ಕಮಗಳೂರು: ಕಾಫಿನಾಡು ಮಲೆನಾಡು ಭಾಗದಲ್ಲಿ ಭಾರೀ ಮಳೆ ಮುಂದುವರೆದಿದೆ. ಕೊಪ್ಪ ತಾಲೂಕಿನ ಜಯಪುರ, ಎನ್.ಆರ್.ಪುರದ ಬಾಳೆಹೊನ್ನೂರು ಸುತ್ತಮುತ್ತ ಧಾರಾಕಾರ ಮಳೆಯಾಗಿದೆ.

ಭಾರೀ ಮಳೆಯಿಂದ ರಸ್ತೆಗಳು ನೋಡು ನೋಡುತ್ತಿದ್ದಂತೆ ನದಿಗಳಂತಾಗಿದೆ. ಮಳೆಯಿಂದ ಗುಡ್ಡದ ಮೇಲಿಂದ ಕೆಸರು ನೀರು ನುಗ್ಗುತ್ತಿದೆ.

ಕೊಪ್ಪ ತಾಲೂಕಿನ ದಯಂಬಳ್ಳಿ ಸೇರಿದಂತೆ ಅನೇಕ ಗ್ರಾಮಗಳ ಗದ್ದೆಗಳು ಜಲಾವೃತವಾಗಿವೆ. ಸಂಜೆ ಆಗುತ್ತಿದ್ದಂತೆ ಏಕಾಏಕಿ ಮಳೆಯ ಅಬ್ಬರ ಜೋರಾಗಿದೆ.