Health: ಚಿಕೂನ್‌ಗುನ್ಯಾ ತಡೆಗೆ “ಇಕ್ಸ್‌ಚಿಕ್‌”

ಹೊಸದಿಲ್ಲಿ: ಚಿಕೂನ್‌ಗುನ್ಯಾ ತಡೆಗೆ ಮೊದಲ ಲಸಿಕೆ “ಇಕ್ಸ್‌ಚಿಕ್‌’ಗೆ ಅಮೆರಿಕ ಆಹಾರ ಮತ್ತು ಔಷಧ ಆಡಳಿತ(ಎಫ್ಡಿಎ) ಅನುಮೋದನೆ ನೀಡಿದೆ. 18 ವರ್ಷ ಮತ್ತು ಮೇಲ್ಪಟ್ಟ ವಯಸ್ಕರಿಗೆ ಚುಚ್ಚುಮದ್ದು ರೂಪದಲ್ಲಿ ನೀಡುವ ಲಸಿಕೆ ಇದಾಗಿದೆ. ಚಿಕೂನ್‌ಗುನ್ಯಾಗೆ ಕಾರಣವಾಗುವ ದುರ್ಬಲ ವೈರಸ್‌ ಅನ್ನು ಈ ಲಸಿಕೆ ಹೊಂದಿದೆ.

ಒಂದು ಡೋಸ್‌ ಲಸಿಕೆಯನ್ನು ಮಾತ್ರ ನೀಡಲಾಗುತ್ತದೆ. ಲಸಿಕೆ ಪಡೆದ ಅನಂತರ ಜನರಿಗೆ ಚಿಕೂನ್‌ಗುನ್ಯಾದ ಕೊಂಚ ಲಕ್ಷಣಗಳು ಗೋಚರಿಸಲಿದೆ. ಇದಕ್ಕೆ ಜನರು ಆತಂಕಪಡುವ ಅಗತ್ಯವಿಲ್ಲ. ಇದು ಸೌಮ್ಯ ಲಕ್ಷಣಗಳಾಗಿರಲಿವೆ ಎಂದು ಎಫ್ಡಿಎ ತಿಳಿಸಿದೆ. 18 ವರ್ಷ ಮೇಲ್ಪಟ್ಟವರ ಮೇಲೆ ಈ ಲಸಿಕೆಯ ವೈದ್ಯಕೀಯ ಅಧ್ಯಯನ ನಡೆಸಲಾಗಿದೆ. ತಲೆನೋವು, ಆಯಾಸ, ಸ್ನಾಯು ನೋವು, ಕೀಲು ನೋವು, ಜ್ವರ ಮತ್ತು ವಾಕರಿಕೆ…ಇದು ಲಸಿಕೆಯ ಅಡ್ಡ ಪರಿಣಾಮಗಳಾಗಿವೆ ಎಂದು ವಿವರಿಸಿದೆ.