ಎಚ್‌ಡಿಎಫ್ ಸಿಗೆ ಶೇ.22.3 ಲಾಭ ಹೆಚ್ಚಳ  

ನವದೆಹಲಿ: ಎಚ್‌ಡಿಎಫ್ ಸಿ ಬ್ಯಾಂಕ್‌ 2022ನೇ ವಿತ್ತೀಯ ವರ್ಷದ ಎರಡನೇ ತ್ತೈಮಾಸಿಕದ ವರದಿಯನ್ನು ಶನಿವಾರ ಬಿಡುಗಡೆ ಮಾಡಿದೆ.

ಬ್ಯಾಂಕ್‌ ಜು.1ರಿಂದ ಸೆ.30ರ ಅವಧಿಯಲ್ಲಿ ಒಟ್ಟು 11,125.21 ಕೋಟಿ ರೂ. ಲಾಭಗಳಿಸಿದೆ. ಇದು ಕಳೆದ ವರ್ಷ ಇದೇ ಅವಧಿಗೆ ಹೋಲಿಸಿದರೆ ಶೇ.22.30 ಹೆಚ್ಚಾಗಿದೆ.

ಹಾಗೆಯೇ ಸಂಸ್ಥೆ 2022ರ 2ನೇ ತ್ತೈಮಾಸಿಕದಲ್ಲಿ ಒಟ್ಟು 28,869.8 ಕೋಟಿ ರೂ. ಆದಾಯ ಗಳಿಸಿದೆ.

ಇದು ಕಳೆದ ವರ್ಷದ 2ನೇ ತ್ತೈಮಾಸಿಕದಲ್ಲಿ 24,409.7 ಕೋಟಿ ರೂ. ಇತ್ತು. ಒಟ್ಟಾರೆ ಆದಾಯದಲ್ಲಿ ಶೇ.18.3 ಹೆಚ್ಚಳವಾಗಿದೆ ಎಂದು ಸಂಸ್ಥೆ ತಿಳಿಸಿದೆ.