ವೈದ್ಯ ವಿದ್ಯಾರ್ಥಿಗಳಿಗೆ ಕೃಪಾಂಕ : ಮದ್ರಾಸ್‌ ಹೈಕೋರ್ಟ್‌ ತರಾಟೆ

ಚೆನ್ನೈ : ಪರೀಕ್ಷೆ ಪಾಸು ಮಾಡಿಕೊಳ್ಳುವಲ್ಲಿ ವಿಫ‌ಲರಾಗುವ ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಕೃಪಾಂಕ ನೀಡಿ ತೇರ್ಗಡೆ ಮಾಡಿಸುವ ಕ್ರಮವನ್ನು ಮದ್ರಾಸ್‌ ಹೈಕೋರ್ಟ್‌ ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದೆ.

ನೇತ್ರ ಚಿಕಿತ್ಸಾ ಪರೀಕ್ಷೆಯನ್ನು ಪಾಸು ಮಾಡಿಕೊಳ್ಳಲು ತನಗೆ ಕೃಪಾಂಕ ದೊರಕಿಸುವಂತೆ ಕೋರಿ ಪುದುಚೇರಿ ಖಾಸಗಿ ವಿದ್ಯಾಲಯದ ಮೂರನೇ ವರ್ಷದ ವಿದ್ಯಾರ್ಥಿನಿಯೋರ್ವಳು ಸಲ್ಲಿಸಿದ ಅರ್ಜಿಯನ್ನು ವಜಾ ಮಾಡುತ್ತಾ ಜಸ್ಟಿಸ್‌ ಎಸ್‌ ವೈದ್ಯನಾಥನ್‌ ಅವರು “ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಪರೀಕ್ಷೆ ಪಾಸುಮಾಡಿಕೊಳ್ಳಲು ಕೃಪಾಂಕ ನೀಡುವ ಕ್ರಮವು ನಾಗರಿಕರ ವಿರುದ್ಧದ ವಂಚನೆಯಾಗಿದೆ’ ಎಂದು ಹೇಳಿದರು. 

ಆಪ್ತಮಾಲಜಿ ಪರೀಕ್ಷೆಯನ್ನು ಎರಡು ಬಾರಿ ಎದುರಿಸಿಯೂ ವಿದ್ಯಾರ್ಥಿನಿ ಫೇಲಾಗಿದ್ದು ತನ್ನನ್ನು  ಪಾಸು ಮಾಡಿಸಲು ತನಗೆ ಕೃಪಾಂಕ ಕೊಡಿಸಬೇಕು ಎಂದು ಕೋರಿದ್ದಳು.