ಯೋಗೇಶ್ವರ್‌ ದತ್‌ ಹರ್ಯಾಣ ಸ್ಟೀಲರ್  ಅಂಬಾಸಿಡರ್‌

ಸೋನಿಪತ್‌: ಒಲಿಂಪಿಕ್‌ ಕಂಚು ವಿಜೇತ ಕುಸ್ತಿಪಟು ಯೋಗೇಶ್ವರ್‌ ದತ್‌ ಅವರು ಹರ್ಯಾಣ ಸ್ಟೀಲರ್ ಪ್ರೊ ಕಬಡ್ಡಿ ತಂಡದ ಬ್ರಾಂಡ್‌ ಅಂಬಾಸಿಡರ್‌ ಆಗಿ ನೇಮಕಗೊಂಡಿದ್ದಾರೆ. ತಂಡದ ಸಿಎಒ ಮುಸ್ತಾಫ‌ ಗೌಸ್‌  ಇದನ್ನು ಪ್ರಕಟಿಸಿದರು.

“ಕುಸ್ತಿ ಅಖಾಡದಲ್ಲಿ ಎಲ್ಲರಿಗೂ ರೋಲ್‌ ಮಾಡೆಲ್‌ ಆಗಿರುವ ಯೋಗೇಶ್ವರ್‌ ದತ್‌ ಅವರನ್ನು ಹರ್ಯಾಣ ಸ್ಟೀಲರ್ ತಂಡದ ಅಂಬಾಸಿಡರ್‌ ಆಗಿ ಕಾಣಲು ಬಹಳ ಹೆಮ್ಮೆಯಾಗುತ್ತಿದೆ. ಅವರು ವರ್ಷದುದ್ದಕ್ಕೂ ತಂಡದ ಜತೆ ಇದ್ದು ಸ್ಪೂರ್ತಿ ತುಂಬಲಿದ್ದಾರೆ’ ಎಂದು ಗೌಸ್‌ ಹೇಳಿದರು. ಈ ಸಂದರ್ಭ ಪ್ರತಿಕ್ರಿಯಿಸಿದ ದತ್‌, “ನಾನು  ಪ್ರೊ ಕಬಡ್ಡಿ ಎದುರು ನೋಡುತ್ತಿದ್ದೇನೆ.  ತವರಾದ ಸೋನಿಪತ್‌ನಲ್ಲಿ ನಡೆಯುವ ಪಂದ್ಯಗಳನ್ನು ಕಾಣಲು ಕಾತರನಾಗಿದ್ದೇನೆ’ ಎಂದಿದ್ದಾರೆ.