Haryana;ಸತತ ರಜೆ ಕಾರಣಕ್ಕೆ ಚುನಾವಣೆ ಮುಂದೂಡಿ: ಬಿಜೆಪಿ ಆಗ್ರಹ

ಚಂಡೀಗಢ: ಹರಿಯಾಣ ಚುನಾವಣೆ ಘೋಷಣೆ ಯಾಗಿರುವ ಅ.1ರ ಹಿಂದಿನ ಹಾಗೂ ಮುಂದಿನ ದಿನಗಳಲ್ಲಿ ಸಾಲು ಸಾಲು ರಜೆಗಳಿವೆ. ಹೀಗಾಗಿ ಮತದಾನದ ಪ್ರಮಾಣ ಕುಸಿಯಬಹುದು. ಹೀಗಾಗಿ ವಿಧಾನಸಭೆ ಚುನಾವಣೆಯನ್ನು ಕೆಲವು ದಿನಗಳ ಕಾಲ ಮುಂದೂಡಬೇಕು ಆಡಳಿತಾರೂಢ ಬಿಜೆಪಿ ಮನವಿ ಮಾಡಿದೆ. ಬಿಜೆಪಿಗೆ ಸೋಲುವ ಭೀತಿ ಕಾಡಲು ಶುರುವಾಗಿದೆ. ಹೀಗಾಗಿ ಚುನಾವಣೆ ಮುಂದೂಡಲು ಬೇಡಿಕೆ ಒಡ್ಡಿದೆ ಎಂದು ಕಾಂಗ್ರೆಸ್‌ ಮತ್ತು ಆಪ್‌ ಆರೋಪಿಸಿವೆ. “ಸೆ.28 ಶನಿವಾರ, 29 ರವಿವಾರ, ಅ.1 ಮತದಾನ ರಜೆ. ಅ.2 ಗಾಂಧಿ ಜಯಂತಿ, ಅ.3 ಅಗ್ರಸೇನಾ ಜಯಂತಿ ಇರುವ ಕಾರಣ ಕಚೇರಿಗಳಿಗೆ ರಜೆ ಇರಲಿದೆ. ಹೀಗಾಗಿ ಮತದಾರರು ಪ್ರವಾಸ ಹೋಗುವ ಸಾಧ್ಯತೆಗಳಿವೆ ಎಂದು ಬಿಜೆಪಿ ಹೇಳಿದೆ.