Women’s Big Bash League: “ದಶಕದ ತಂಡ’ದ ರೇಸ್‌ನಲ್ಲಿ ಕೌರ್‌

ಮೆಲ್ಬರ್ನ್: ವನಿತಾ ಬಿಗ್‌ ಬಾಶ್‌ “ದಶಕದ ತಂಡ’ಕ್ಕೆ ಗುರುವಾರ 50 ಆಟಗಾರ್ತಿಯರ ಸಂಭಾವ್ಯ ಯಾದಿಯನ್ನು ಬಿಡುಗಡೆ ಮಾಡಲಾಗಿದೆ. ಹರ್ಮನ್‌ಪ್ರೀತ್‌ ಕೌರ್‌ ಇದರಲ್ಲಿರುವ ಭಾರತದ ಏಕೈಕ ಆಟಗಾರ್ತಿ.

ಕನಿಷ್ಠ 60 ಬಿಗ್‌ ಬಾಶ್‌ ಪಂದ್ಯಗಳನ್ನು ಆಡಿರುವವರನ್ನು ಈ ಹಾದಿಗೆ ಸೇರ್ಪಡೆಗೊಳಿಸಲಾಗಿದೆ.

ಈ 50 ಸದಸ್ಯರ ತಂಡವನ್ನು ಆಯ್ಕೆ ಸಮಿತಿ ಹಾಗೂ ಸಾರ್ವಜನಿಕ ಮತದಾನದ ಮೂಲಕ 12ಕ್ಕೆ ಇಳಿಸಲಾಗುವುದು. ಸಾರ್ವಜನಿಕ ಮತದಾನವನ್ನು ನ. 11-24ರ ಅವಧಿಯಲ್ಲಿ ಬಿಗ್‌ ಬಾಶ್‌ ಆ್ಯಪ್‌ ಮೂಲಕ ಮಾಡಬಹುದಾಗಿದೆ.
ಡಿ. ಒಂದರಂದು ನಡೆಯುವ ಬಿಗ್‌ ಬಾಶ್‌ ಫೈನಲ್‌ ವೇಳೆ ದಶಕದ ತಂಡದ ಘೋಷಣೆ ಆಗಲಿದೆ. ಲೀಗ್‌ ನಿಯಮಾವಳಿಯಂತೆ ಇದರಲ್ಲಿ ವಿದೇಶದ ಮೂವರು ಆಟಗಾರ್ತಿಯರು ಇರುವುದು ಕಡ್ಡಾಯ.