ಕಾಂಗ್ರೆಸ್‌ ಸೇರುತ್ತಾರಾ ಹರ್ಭಜನ್‌ ಸಿಂಗ್‌?

ಪಂಜಾಬ್‌: ಕ್ರಿಕೆಟ್‌ ಫೀಲ್ಡ್‌ನಲ್ಲಿ ಬೌಲಿಂಗ್‌, ಬ್ಯಾಟಿಂಗ್‌ ಮೂಲಕ ಕ್ರಿಕೆಟ್‌ ಪ್ರಿಯರ ಮನಸ್ಸು ಗೆದ್ದಿರುವ ಹರ್ಭಜನ್‌ ಸಿಂಗ್‌ ಈಗ ಪಂಜಾಬ್‌ ಕಾಂಗ್ರೆಸ್‌ ಸೇರಿ, ಮತ ಸೆಳೆಯಲಿದ್ದಾರಾ ಎನ್ನುವ ಅನುಮಾನ ಶುರುವಾಗಿದೆ.

ಅದಕ್ಕೆ ಕಾರಣ ಪಂಜಾಬ್‌ ಕಾಂಗ್ರೆಸ್‌ ಅಧ್ಯಕ್ಷ ನವಜೋತ್‌ ಸಿಂಗ್‌ರ ಟ್ವೀಟ್‌. ಹರ್ಭಜನ್‌ ಜತೆಗಿನ ಫೋಟೋ ಹಂಚಿಕೊಂಡಿರುವ ನವಜೋತ್‌, “ಸಾಧ್ಯತೆಗಳು ತುಂಬಿರುವ ಫೋಟೋ.. ಭಜ್ಜಿ, ಶೈನಿಂಗ್‌ ಸ್ಟಾರ್‌’ ಎಂದು ಬರೆದುಕೊಂಡಿದ್ದಾರೆ.

ಇದು ಹರ್ಭಜನ್‌ “ಕೈ’ ಹಿಡಿಯು ತ್ತಾರಾ ಎಂಬ ಪ್ರಶ್ನೆ ಹುಟ್ಟು ಹಾಕಿದೆ. ಈ ಹಿಂದೆ ಅವರು ಬಿಜೆಪಿ ಸೇರುತ್ತಾರೆಂಬ ಸುದ್ದಿ ಹರಿದಾಡಿದ್ದು, ಅದು ಸುಳ್ಳೆಂದು ಅವರು ಸ್ಪಷ್ಟಪಡಿಸಿದ್ದರು.