51ರ ಮಹಿಳೆಯ ಮೇಲೆ ರೇಪ್‌:ಕೇರಳ ಕಾಂಗ್ರೆಸ್‌ ಶಾಸಕ ವಿನ್ಸೆಂಟ್‌ ಬಂಧನ 

ತಿರುವನಂತಪುರ: ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಾಂಗ್ರೆಸ್‌ ಶಾಸಕ ಎಂ.ವಿನ್ಸೆಂಟ್‌ ಅವರನ್ನು ಪೊಲೀಸರು ಶನಿವಾರ ಬಂಧಿಸಿದ್ದಾರೆ. 

ಬಲಾರಾಂಪುರ ಎಂಬಲ್ಲಿನ51 ರ ಹರೆಯದ ಸಂತ್ರಸ್ತ ಮಹಿಳೆ ವಿನ್ಸೆಂಟ್‌ ವಿರುದ್ಧ ರೇಪ್‌ ದೂರು ದಾಖಲಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದರು. ಪ್ರಕರಣದ ತನಿಖೆಗಿಳಿದ ಪೊಲೀಸರಿಗೆ ವಿನ್ಸೆಂಟ್‌ ಸಂತ್ರಸ್ತ ಮಹಿಳೆಯೊಂದಿಗೆ ದೂರವಾಣಿ ಸಂಪರ್ಕ ಹೊಂದಿದ್ದು ಕಂಡು ಬಂದಿತ್ತು. 

ಶನಿವಾರ ವಿನ್ಸೆಂಟ್‌ರನ್ನು ವಶಕ್ಕೆ ಪಡೆದ ಪೊಲೀಸರು 4 ಗಂಟೆಗಳ ಕಾಲ ವಿಚಾರಣೆ ನಡೆಸಿದ್ದಾರೆ ಎಂದು ವರದಿಯಾಗಿದೆ. 

ಇದು ಸ್ಥಳೀಯ ಸಿಪಿಐ ಮುಖಂಡ ಮಾಡಿರುವ ಪಿತೂರಿ ಎಂದು ಆರೋಪಿಸಿರುವ ವಿನ್ಸೆಂಟ್‌ ಈ ಬಗ್ಗೆ ಉನ್ನತ ಮಟ್ಟದ ತನಿಖೆ ನಡೆಸಬೇಕು ಎಂದು ಡಿಜಿಪಿಗೆ ಮನವಿ ಮಾಡಿದ್ದಾರೆ.ತಿರುವನಂತಪುರ ಜಿಲ್ಲಾ ನ್ಯಾಯಾಲಯದಲ್ಲಿ ನಿರೀಕ್ಷಣಾ ಜಾಮೀನು ಕೋರಿ ಅರ್ಜಿ ಸಲ್ಲಿಸಿದ್ದಾರೆ.