ಹಾಲಾಡಿ: ಅಕ್ರಮ ಗೋ ಸಾಗಟ; ಇಬ್ಬರು ಆರೋಪಿಗಳು ವಶಕ್ಕೆ

ಸಿದ್ದಾಪುರ: ಹಾಲಾಡಿ ಗ್ರಾಮದ ಕುದ್ರುಬೆಟ್ಟು ಎಂಬಲ್ಲಿ ಕುಚ್ಚಾಳ ಕಡೆಯಿಂದ ಕುಂದಾಪುರ ಕಡೆಗೆ ಟಾಟಾ ಕಂಪೆನಿಯ ಎ.ಎಸ್‌ ಮೆಗಾ ವಾಹನದಲ್ಲಿ ಹಿಂಸಾತ್ಮಕವಾಗಿ ಸಾಕಟ ಮಾಡುತ್ತಿರುವ 3 ಗಂಡು ಕರುಗಳನ್ನು ಪೊಲೀಸರು ರಕ್ಷಣೆ ಮಾಡಿದ್ದಾರೆ.

ಶಂಕರನಾರಾಯಣ ಪೊಲೀಸ್‌ ಠಾಣೆಯ ಪೊಲೀಸ್‌ ಉಪನಿರೀಕ್ಷಕ ನಾಸೀರ್‌ ಹುಸೇನ್‌ ಅವರು ಖಚಿತ ಮಾಹಿತಿಯ ಮೇರೆಗೆ ವಾಹನವನ್ನು ತಡೆದು ನಿಲ್ಲಿಸಿದ್ದಾಗ, ಅಕ್ರಮ ಗೋಸಾಟ ಬೆಳಕಿಗೆ ಬಂದಿದೆ. ಮೇಯಲು ಬಿಟ್ಟ 3 ಗಂಡು ಕರುಗಳನ್ನು ಆರೋಪಿಗಳು ಕದ್ದುತಂದಿರುವ ಸಾಧ್ಯತೆ ಇದೆ. ಆರೋಪಿಗಳಾದ ಜಪ್ತಿ ಗ್ರಾಮದ ಕರಿಕಲ್ಲು ಚಂದ್ರ ಶೆಟ್ಟಿ (55) ಮತ್ತು ಹಳ್ಳಾಡಿ ಗ್ರಾಮದ ಗುಡ್ಡೆಯಂಗಡಿ ಅಣ್ಣಪ್ಪ (65) ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.