6 ಲಕ್ಷಕ್ಕೂ ಅಧಿಕ ಫಾಲೋವರ್ಸ್‌ಗಳುಳ್ಳ ತೃಣಮೂಲ ಕಾಂಗ್ರೆಸ್‌ ಅಧಿಕೃತ ಟ್ವಿಟರ್‌ ಖಾತೆ ಹ್ಯಾಕ್

ಕೋಲ್ಕತಾ: ಮಮತಾ ಬ್ಯಾನರ್ಜಿ ಅವರ ತೃಣಮೂಲ ಕಾಂಗ್ರೆಸ್‌ ಪಕ್ಷದ ಅಧಿಕೃತ ಟ್ವಟರ್‌ ಖಾತೆ ಹ್ಯಾಕ್‌ ಆಗಿದ್ದು, ಪ್ರೊಫೈಲ್ ಹೆಸರು ಮತ್ತು ಪ್ರೊಫೈಲ್ ಪಿಕ್ಚರ್‌ ನ್ನು ಹ್ಯಾಕರ್ಸ್‌ ಗಳನ್ನು ಬದಲಾಯಿಸಿದ್ದಾರೆ.

ಸುಮಾರು ಆರೂವರೆ ಲಕ್ಷಕ್ಕೂ ಅಧಿಕ ಫಾಲೋವರ್ಸ್ ಗಳನ್ನು ಹೊಂದಿರುವ ತೃಣಮೂಲ ಕಾಂಗ್ರೆಸ್‌ ನ ಟ್ವಿಟರ್‌ ಖಾತೆಯನ್ನು ಅಮೆರಿಕಾ ಮೂಲದ “ಯುಗಾ ಲ್ಯಾಬ್ಸ್ʼ ಎಂಬ ಕ್ರಿಪ್ಟೋ ಕಂಪನಿಯ ಹೆಸರಿಗೆ ಬದಲಾಯಿಸಲಾಗಿದೆ. ಖಾತೆಯನ್ನು ಹ್ಯಾಕ್‌ ಮಾಡಿದ ಬಳಿಕ ಪ್ರೊಫೈಲ್ ಹೆಸರು ಮತ್ತು ಪ್ರೊಫೈಲ್ ಪಿಕ್ಚರ್‌ ನ್ನು ಬದಲಾಯಿಸಲಾಗಿದೆ. ಇದುವರೆಗೂ ಯಾವುದೇ ಟ್ವೀಟ್‌ ಗಳನ್ನು ಖಾತೆಯಲ್ಲಿ ಹಾಕಿಲ್ಲ.

ನಮ್ಮ ಆಲ್‌ ಇಂಡಿಯಾ ತೃಣಮೂಲ ಕಾಂಗ್ರೆಸ್‌ ಅಧಿಕೃ ಟ್ವಿಟರ್‌ ಖಾತೆ ಹ್ಯಾಕ್‌ ಆಗಿದ್ದು, ಇದರ ಬಗ್ಗೆ ಸಂಬಂಧಿಸಿದವರಿಗೆ ಮಾಹಿತಿ ನೀಡಲಾಗಿದೆ. ಅವರು ಶೀಘ್ರದಲ್ಲಿ ಸಮಸ್ಯೆ ಬಗೆಹರಿಸಿ, ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಹೇಳಿದ್ದಾರೆ ಎಂದು ತೃಣಮೂಲ ಕಾಂಗ್ರೆಸ್‌ ನಾಯಕ ಡೆರೆಕ್ ಒ’ಬ್ರಿಯೆನ್ ಹೇಳಿದ್ದಾರೆ.

ಈ ಹಿಂದೆ ವೈಎಸ್‌ ಆರ್‌ ಕಾಂಗ್ರೆಸ್‌ ಪಕ್ಷದ ಅಧಿಕೃತ ಟ್ವಟರ್‌ ಖಾತೆ,ಟಿಡಿಪಿ ಟ್ವಿಟರ್‌ ಖಾತೆ ಹ್ಯಾಕ್‌ ಆಗಿತ್ತು. ಅಮೆರಿಕಾದ ಪ್ರಮುಖ ಉದ್ಯಮಿಗಳ ಟ್ವಿಟರ್‌ ಖಾತೆಗಳು ಅನೇಕ ಬಾರಿ ಹ್ಯಾಕ್‌ ಆಗಿವೆ.