ಅಮೆರಿಕ ವೀಸಾಗಾಗಿ ಮುಗಿಬಿದ್ದ ಪತ್ನಿಯರು!

ಹೊಸದಿಲ್ಲಿ: ಅಮೆರಿಕದ ವಲಸೆ ಕಚೇರಿಯು ಮುಂಬರುವ ವಿತ್ತ ವರ್ಷಕ್ಕೆ ಎಚ್‌1 ಬಿ ವೀಸಾ ಅರ್ಜಿಯನ್ನು ಏಪ್ರಿಲ್‌ 2 ರಿಂದ ಸ್ವೀಕರಿಸಲು ಆರಂಭಿಸಲಿದ್ದು, ಈಗಾಗಲೇ ಎಚ್‌1 ಬಿ ವೀಸಾ ಪಡೆದು ವಿದೇಶಕ್ಕೆ ತೆರಳಿರುವವರ ಪತ್ನಿಯರ ಅರ್ಜಿ ಸಂಖ್ಯೆ ಹೆಚ್ಚುವ ಸಾಧ್ಯತೆಯಿದೆ. ಎಚ್‌1 ಬಿ ವೀಸಾ ಪಡೆದವರು ಪತ್ನಿಯನ್ನೂ ಕರೆದುಕೊಂಡು ಬರುವುದನ್ನು ತಡೆಯಲು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಚಿಂತನೆ ನಡೆಸಿದ್ದಾರೆ. ಹೀಗಾಗಿ ಈ ಘೋಷಣೆ ಹೊರಬೀಳುವ ಮೊದಲೇ ಅಮೆರಿಕಕ್ಕೆ ತೆರಳವುದು ಇವರ ಉದ್ದೇಶವಾಗಿದೆ. ಎಚ್‌1 ಬಿ ವೀಸಾ ಪ್ರಯೋಜನವನ್ನು ಹೆಚ್ಚಿನ ಭಾರತೀಯರು ಪಡೆದುಕೊಳ್ಳುತ್ತಿದ್ದು, ಈ ಬಾರಿ ಅರ್ಜಿ ಸಲ್ಲಿಸುವ ಮಹಿಳೆಯರ ಸಂಖ್ಯೆ ವ್ಯಾಪಕ ಪ್ರಮಾಣದಲ್ಲಿ ಏರಿಕೆಯಾಗಲಿದೆ.