ಎಚ್‌-1 ಬಿ ವೀಸಾ ಟೆಕಿಗಳ ನೇಮಕ: ಈಗ ಇನ್ನಿಲ್ಲದ ಸಾಹಸ

ಮುಂಬಯಿ: ಅಮೆರಿಕದಲ್ಲಿ ಇರುವ ಸಾಫ್ಟ್ ವೇರ್ ಕಂಪೆನಿಗಳು ಭಾರತ ಸಹಿತ ಹಲವು ರಾಷ್ಟ್ರಗಳಿಂದ ಟೆಕಿಗಳ ನೇಮಕಕ್ಕೆ ಇನ್ನಿಲ್ಲದ ಸಾಹಸ ಮಾಡಬೇಕಾದ ಪರಿಸ್ಥಿತಿ ಬಂದೊದಗಿದೆ. ಈ ಬಗ್ಗೆ ಅಮೆರಿಕದ ಕೋರ್ಟ್‌ನಲ್ಲಿ ನಡೆಯುತ್ತಿರುವ ಪ್ರಕರಣವೊಂದರ ವಿಚಾರಣೆ ವೇಳೆ, ಯಾವ ಕಂಪೆನಿಗಾಗಿ ಅಭ್ಯರ್ಥಿಗಳ ನೇಮಕ ಮಾಡಲಾಗುತ್ತದೆ, ಆ ಯೋಜನೆಯ ಅವಧಿ ಎಷ್ಟು ಎಂಬ ಸಮಗ್ರ ವಿವರಗಳನ್ನು ಕಂಪೆನಿಗಳು ನೀಡಲೇಬೇಕು ಎಂದು ಸೂಚಿಸಲಾಗಿದೆ.

2018ರ ಫೆ. 22ರಂದು ಅಮೆರಿಕದ ಪೌರತ್ವ , ವಲಸಿಗರ ಸೇವೆ ಇಲಾಖೆ (ಯುಎಸ್‌ಸಿಐಎಸ್‌) ಹೊರಡಿಸಿದ್ದ ಸೂಚನೆಯ ಅನ್ವಯ ಎಚ್‌-1 ಬಿ ವೀಸಾ ಹೊಂದಿರುವವರನ್ನು ಮಾಹಿತಿ ತಂತ್ರಜ್ಞಾನ ಕ್ಷೇತ್ರ ಮತ್ತು ಸಂಬಂಧಿತ ಸೇವೆಗಳಾಗಿಯೇ ಥರ್ಡ್‌ ಪಾರ್ಟಿ ಕಂಪೆನಿಗಳಿಗೆ ನೇಮಕ ಮಾಡುವಂತೆ ಸೂಚಿಸಿತ್ತು.