H-1B ವೀಸಾ: ಆರಂಭಿಕ ನೋಂದಣಿ 22ರಂದು ಪೂರ್ಣ

ವಾಷಿಂಗ್ಟನ್‌: 2025ರ ವಿತ್ತೀಯ ವರ್ಷದ ಎಚ್‌-1ಬಿ ವೀಸಾಗಳ ಆರಂಭಿಕ ನೋಂದಣಿ ಅವಧಿ ಮಾ.22ರಂದು ಮುಗಿಯಲಿದೆ ಎಂದು ಅಮೆರಿಕದ ಫೆಡರಲ್‌ ಏಜೆನ್ಸಿ ತಿಳಿಸಿದೆ.

ಮಾ.22ರ ರಾತ್ರಿ 9.30(ಭಾರತೀಯ ಕಾಲಮಾನ)ರೊಳಗಾಗಿ ನೋಂದಣಿ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ ಎಂದೂ ಏಜೆನ್ಸಿ ಮಾಹಿತಿ ನೀಡಿದೆ. ಎಚ್‌-1ಬಿ ವೀಸಾ ಎನ್ನುವುದು ವಲಸೆಯೇತರ ವೀಸಾವಾಗಿದೆ.

ತಾಂತ್ರಿಕ ಪರಿಣತಿ ಅಗತ್ಯವಿರುವ ಉದ್ಯೋಗಗಳಲ್ಲಿ ವಿದೇಶಿ ನೌಕರರನ್ನು ನೇಮಕ ಮಾಡಿಕೊಳ್ಳಲು ಅಮೆರಿಕದ ಕಂಪನಿಗಳಿಗೆ ಇದು ಅನುವು ಮಾಡಿಕೊಡುತ್ತದೆ. ಭಾರತ, ಚೀನಾದಂಥ ದೇಶಗಳಿಂದ ಪ್ರತಿ ವರ್ಷ ಸಾವಿರಾರು ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳಲು ತಂತ್ರಜ್ಞಾನ ಕಂಪನಿಗಳು ಇದೇ ವೀಸಾವನ್ನು ಅವಲಂಬಿಸಿವೆ.