ಎಚ್‌-1ಬಿ ಸಸ್ಪೆಂಡ್‌ ಮಾಡಿದ್ರೆ ಅಮೆರಿಕ ಕಂಪನಿಗಳಿಗೆ ಸಂಕಷ್ಟ

ಹೊಸದಿಲ್ಲಿ : ಎಚ್‌-1ಬಿ ಸೇರಿದಂತೆ ಹಲವಾರು ಉದ್ಯೋಗ ಸಂಬಂಧಿ ವೀಸಾಗಳನ್ನು ಅಮಾನತುಗೊಳಿಸಲು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಚಿಂತನೆ ನಡೆಸಿದ್ದು, ಇದರಿಂದ ಭಾರತೀಯ ಐಟಿ ಉದ್ಯಮಕ್ಕೆ ತೀವ್ರ ಹೊಡೆತ ಬೀಳುವ ಸಾಧ್ಯತೆ ಇದೆ. ಅಲ್ಲದೆ, ಅಮೆರಿಕದ ದೈತ್ಯ ಐಟಿ ಕಂಪನಿಗಳಾದ ಗೂಗಲ್‌ ಮತ್ತು ಆ್ಯಪಲ್‌ಗ‌ಳೂ ಇದರಿಂದ ತೊಂದರೆಗೆ ಸಿಲುಕುವ ಸಾಧ್ಯತೆಗಳಿವೆ ಎಂದು ತಜ್ಞರು ಆತಂಕ ವ್ಯಕ್ತ ಪಡಿಸಿದ್ದಾರೆ.

ಮೂಲಗಳ ಪ್ರಕಾರ, ಭಾರತೀಯರು ಎಚ್‌-1ಬಿ ವೀಸಾ ಗಳ ಅತಿ ದೊಡ್ಡ ಫ‌ಲಾನುಭವಿಗಳಾಗಿದ್ದು, ಪ್ರತಿವರ್ಷ ನೀಡಲಾಗುವ 85,000 ಹೊಸ ವೀಸಾಗಳ ಪೈಕಿ ಮೂರನೇ ಎರಡರಷ್ಟನ್ನು ಪಡೆಯುತ್ತಾರೆ. ಹೀಗಾಗಿ, ಎಚ್‌-1ಬಿ, ಎಲ್‌-1ವೀಸಾಗಳನ್ನು ಅಮಾನತುಗೊಳಿಸಿದರೆ ಭಾರತೀಯ ಐಟಿ ಕಂಪನಿಗಳು ಸಂಕಷ್ಟ ಎದುರಿಸಬೇಕಾಗುತ್ತದೆ. ಇದರಿಂದ ಗೂಗಲ್‌, ಆ್ಯಪಲ್‌ನಂತ ದೈತ್ಯ ಕಂಪನಿಗಳಿಗೆ ತೊಂದರೆಯಾಗುತ್ತದೆ ಎನ್ನುತ್ತಾರೆ ತಜ್ಞರು.