ಸೆಪ್ಟೆಂಬರ್‌ ಮೊದಲ ವಾರ “ಪುರುಷೋತ್ತಮ’ ಚಿತ್ರದ ಆಡಿಯೋ ಬಿಡುಗಡೆಗೊಂಡಿತ್ತು. ಜಿಮ್‌ ರವಿ ಅಫೀಶಿಯಲ್‌ ಯೂಟ್ಯೂಬ್‌ ಚಾನಲ್‌ದಲ್ಲಿ ಹೊರ ಬಂದ ಹಾಡು ಕೇವಲ ಹತ್ತು ದಿನಗಳಲ್ಲಿ ಮೂರು ಲಕ್ಷಕ್ಕಿಂತ ಹೆಚ್ಚು ಜನರು ವೀಕ್ಷಿಸಿ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಪುಟ್ಟ ಮಕ್ಕಳು ಗೀತೆಯನ್ನು ಹಾಡಿದರೆ, ಚಿಣ್ಣರುಗಳು ಹಾಡಿಗೆ ಡ್ಯಾನ್ಸ್‌ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ ಲೋಡ್‌ ಮಾಡಿದ್ದಾರೆ. ಹಿರಿಯ ಐಪಿಎಸ್‌ ಅಧಿಕಾರಿ ರಶ್ಮಿ, ಕಲಾವಿದರು, ತಾಂತ್ರಿಕ ವರ್ಗ, ಪ್ರಧಾನ ಅರ್ಚಕರುಗಳು, ವೈದ್ಯ ವರ್ಗ ಹಾಗೂ ಜರ್ಮನಿ, ಸೌತ್‌ ಆಫ್ರಿಕಾ ಇತರೆ ಹೊರದೇಶದ ಹಿತೈಷಿಗಳು, ರಾಜ್ಯದ ಜಿಮ್‌ ಕ್ರೀಡಾಪಟುಗಳು ಸೇರಿದಂತೆ ಮಾತನಾಡಿ ಹಾಡಿಗೆ ಮೆಚ್ಚುಗೆ ವ್ಯಕ್ತಿಪಡಿಸಿ, ಚಿತ್ರಕ್ಕೆ ಶುಭ ಹಾರೈಸಿದ್ದಾರೆ.
ಇದನ್ನೂ ಓದಿ:ಚಿತ್ರ ವಿಮರ್ಶೆ: ಪುಕ್ಸಟ್ಟೆ ಲೈಫ್ ನಲ್ಲಿ ಭರಪೂರ ಖುಷಿ ಇದೆ!
ಜಿಮ್‌ರವಿ ಮೂಲತಃ ಕೋಲಾರದವರಾಗಿದ್ದರಿಂದ ನಮ್ಮ ಹುಡುಗ ನಾಯಕನಾಗಿ ನಟಿಸಿರುವ ಮೊದಲ ಚಿತ್ರವನ್ನು ಅದ್ದೂರಿಯಾಗಿ ಸ್ವಾಗತಿಸಲು 20 ಅಡಿ ಎತ್ತರದ 101 ಸ್ಟಾರ್‌ಗಳನ್ನು ಮಾಡಿಕೊಂಡು ತಯಾರಿ ನಡೆಸಿದ್ದಾರೆ.
ಈ ಚಿತ್ರವನ್ನು ಚಿತ್ರಕತೆ ಬರೆದು ನಿರ್ದೇಶನ ಮಾಡಿರುವುದು ಎಸ್‌.ವಿ. ಅಮರನಾಥ್. ನಾಯಕಿಯಾಗಿ ಅಪೂರ್ವ ನಟಿಸಿದ್ದಾರೆ. ಉಳಿದಂತೆ ಎ.ವಿ.ಹರೀಶ್, ಮೈಸೂರು ಪ್ರಭು, ನಿವೇದಿತಾ, ಕ್ರಿಸ್ಟೋಫ‌ರ್‌ ಇಮ್ಯಾನಿಯಲ್‌, ಕಿರಣ್‌, ಶರಣ್‌, ಮಹದೇವ ಸೇರಿದಂತೆ ಹಲವು ಖ್ಯಾತ ಕಲಾವಿದರುಗಳು ಅಭಿನಯಿಸಿದ್ದಾರೆ.
ಆನಂದ್‌ಪ್ರಿಯಾ, ಪ್ರಮೋದ್‌ ಮರವಂತೆ ಹಾಗೂ ನಿರ್ದೇಶಕರು ರಚಿಸಿರುವ ಸಾಹಿತ್ಯಕ್ಕೆ ಶ್ರೀಧರ್‌ ಸಂಭ್ರಮ್‌ ಸಂಗೀತ ಸಂಯೋಜಿಸಿ ದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ದಸರ ಹಬ್ಬಕ್ಕೆ ಪುರುಷೋತ್ತಮನ ಬಿಡುಗಡೆಯಾಗಲಿದೆ.
