ಮದ್ದಳೆ ಮಾಂತ್ರಿಕನಿಗೆ 101

ಉಡುಪಿ: ಹಿರಿಯ ಯಕ್ಷಗಾನ ಕಲಾವಿದ ಹಿರಿಯಡಕ ಗೋಪಾಲ ರಾವ್‌ ಅವರು ರವಿವಾರ ಹಿರಿಯಡಕ ಬಳಿ ಓಂತಿಬೆಟ್ಟಿನ ಸ್ವಗೃಹ ದಲ್ಲಿ 101ನೇ ಹುಟ್ಟುಹಬ್ಬದ ಪ್ರಯುಕ್ತ ಆಯೋಜನೆಗೊಂಡ ಸರಳ ಸಮಾರಂಭದಲ್ಲಿ ಮದ್ದಳೆ ನುಡಿಸುವ ಮೂಲಕ ತಮ್ಮ ಸಕ್ರಿಯತೆಯನ್ನು ಶ್ರುತಪಡಿಸಿದರು.

ಸಂಶೋಧಕರಾದ ಡಾ| ರಾಘವ ನಂಬಿಯಾರ್‌, ಎಸ್‌.ಎ. ಕೃಷ್ಣಯ್ಯನವರು ರಾವ್‌ ಅವರ ಕೊಡುಗೆಗಳನ್ನು ಉಲ್ಲೇಖೀಸಿ ಶುಭ ಕೋರಿದರು. ಗೋಪಾಲ ರಾಯರ ಪುತ್ರ ರಾಮಮೋಹನ ರಾವ್‌ ಮತ್ತು ಕುಟುಂಬಸ್ಥರು, ಸ್ಥಳೀಯರು, ಅಭಿಮಾನಿಗಳು ಉಪಸ್ಥಿತರಿದ್ದರು. ನೂರಾರು ಅಭಿಮಾನಿಗಳು ರಾವ್‌ ಅವರಿಗೆ ದೂರವಾಣಿ ಮೂಲಕ ಶುಭ ಕೋರಿದರು.