Saligrama ಗುರುನರಸಿಂಹ ದೇಗುಲದ ಅನ್ನದಾನ ನಿಧಿಗೆ 1 ಕೋ.ರೂ. ನೆರವು

ಕೋಟ: ಬೆಂಗಳೂರಿನ ಹೊಟೇಲ್‌ ಇಂದ್ರಪ್ರಸ್ಥದ ಮಾಲಕ ಹರ್ತಟ್ಟು ಪ್ರಕಾಶ ಮಯ್ಯ ಮತ್ತು ಮಂಜುಳಾ ದಂಪತಿ ಯಮುನಾ ಮತ್ತು ಚಂದ್ರಶೇಖರ ಮಯ್ಯ ಸ್ಮರಣಾರ್ಥವಾಗಿ ಸಾಲಿಗ್ರಾಮ ಗುರುನರಸಿಂಹ ದೇಗುಲದ ಶಾಶ್ವತ ಭೋಜನ ನಿಧಿಗೆ 1 ಕೋಟಿ ರೂ. ದೇಣಿಗೆ ನೀಡಿದ್ದಾರೆ. ಇದರ ನೆನಪಿಗಾಗಿ ಶಾಶ್ವತ ಫಲಕವನ್ನು ಇತ್ತೀಚೆಗೆ ಅನಾವರಣಗೊಳಿಸಲಾಯಿತು.

ಶಾಶ್ವತ ಫಲಕ ಅನಾವರಣಗೊಳಿಸಿ ಮಾತನಾಡಿದ ಪ್ರಕಾಶ ಮಯ್ಯ, ಈ ದೇವಸ್ಥಾನದಲ್ಲಿ ದಿನಂಪ್ರತಿ ನಡೆಯುತ್ತಿರುವ ಅನ್ನ ದಾಸೋಹವು ಶುಚಿ, ರುಚಿ ಮತ್ತು ಸಮಯ ಕ್ಲಪ್ತತೆಗೆ ಹೆಸರುವಾಸಿಯಾಗಿದೆ. ದೈವ ಪ್ರೇರಣೆಯಂತೆ ಭೋಜನ ನಿಧಿಗೆ ದೇಣಿಗೆ ನೀಡಿರುವುದಾಗಿ ತಿಳಿಸಿದರು.

ದಾನಿಗಳನ್ನು ದೇಗುಲದ ಆಡಳಿತ ಮಂಡಳಿ ಅಧ್ಯಕ್ಷ ಡಾ| ಕೆ.ಎಸ್‌.ಕಾರಂತರು ಕ್ಷೇತ್ರದ ವತಿಯಿಂದಗೌರವಿಸಿದರು.

ದೇಗುಲದ ಕಾರ್ಯದರ್ಶಿ ಲಕ್ಷ್ಮೀನಾರಾಯಣ ತುಂಗ,ಕೂಟ ಮಹಾಜಗತ್ತಿನ ಕೇಂದ್ರ ಸಂಸ್ಥೆಯಮಾಜಿ ಕೋಶಾಧಿಕಾರಿ ಕಾರ್ಕಡತಾರಾನಾಥ ಹೊಳ್ಳ ಮೊದಲಾದವರಿದ್ದರು.ದೇಗುಲದ ಸಿಬಂದಿ ಗಣೇಶ್‌ ಭಟ್‌ ಕಾರ್ಯಕ್ರಮ ನಿರೂಪಿಸಿ, ಸಿಬಂದಿ ಶ್ರೀಕಾಂತ ಕಲ್ಕೂರ ವಂದಿಸಿದರು.