ಗುರ್ಮೀತ್‌ ಭೇಟಿ ಪಟ್ಟಿಯಲ್ಲಿ ಪತ್ನಿಯ ಹೆಸರೇ ಇಲ್ಲ!

ಚಂಡೀಗಢ: ಅತ್ಯಾಚಾರ ಪ್ರಕರಣದಲ್ಲಿ 20 ವರ್ಷ ಜೈಲು ಶಿಕ್ಷೆಗೆ ಗುರಿಯಾಗಿರುವ ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್‌ ರಾಂ ರಹೀಂ ಸಿಂಗ್‌ ತನ್ನ ಪತ್ನಿಯನ್ನು ಭೇಟಿಯಾಗಲು ಇಚ್ಛಿಸುತ್ತಿಲ್ಲವೇ?

ಹೌದು ಎನ್ನುತ್ತದೆ ಸುನೈರಾ ಜೈಲಿನಲ್ಲಿರುವ ವಿಸಿಟರ್ಸ್‌ ಪಟ್ಟಿ. ಜೈಲು ಸೇರಿದ ಬಳಿಕ ಗುರ್ಮೀತ್‌ ತಾನು ಆಗಾಗ್ಗೆ ಭೇಟಿಯಾಗಲು ಇಚ್ಛಿಸುವವರ ಪಟ್ಟಿಯನ್ನು ಜೈಲು ಅಧಿಕಾರಿಗಳಿಗೆ ನೀಡಿದ್ದು, ಅದರಲ್ಲಿ ಆತನ ಪತ್ನಿ ಹರ್ಜೀತ್‌ ಕೌರ್‌ ಹೆಸರೇ ಇಲ್ಲ. ಆದರೆ, ಈಗಾಗಲೇ ಲುಕ್‌ಔಟ್‌ ನೋಟಿಸ್‌ ಜಾರಿಯಾಗಿರುವ ಆತನ ದತ್ತುಪುತ್ರಿ ಹನಿಪ್ರೀತ್‌ ಸಿಂಗ್‌ ಹೆಸರು ಆ ಪಟ್ಟಿಯಲ್ಲಿದೆ. ಪಟ್ಟಿಯಲ್ಲಿ ಗುರ್ಮೀತ್‌ನ ತಾಯಿ ನಾಸಿಬ್‌ ಕೌರ್‌, ಪುತ್ರ ಜಸ್ಮಿàತ್‌ ಇನ್ಸಾನ್‌, ಸೊಸೆ ಹುಸನ್‌ಪ್ರೀತ್‌, ಪುತ್ರಿಯರಾದ ಅಮರ್‌ಪ್ರೀತ್‌, ಚರಣ್‌ಪ್ರೀತ್‌, ಅಳಿಯ ಶಾನ್‌ ಮತ್ತು ರುಹ್‌, ಡೇರಾದ ನಿರ್ವಹಣಾ ಅಧಿಕಾರಿ ವಿಪಾಸನಾ ಮತ್ತು ತನ್ನ ಆಪ್ತ ದಾನ್‌ ಸಿಂಗ್‌ ಹಾಗೂ ಹನಿಪ್ರೀತ್‌ ಹೆಸರನ್ನು ನೀಡಲಾಗಿದೆ. ಇದೇ ವೇಳೆ, ಹನಿಪ್ರೀತ್‌ ಗಡಿ ದಾಟಿ ನೇಪಾಳ ಪ್ರವೇಶಿಸಿರುವ ಬಗ್ಗೆ ಸುಳಿವು ದೊರೆತಿದ್ದು, ಮಂಗಳವಾರ ಗಡಿ ಪ್ರದೇಶವಾದ ಖೇರಿಗೆ ಹೋಗಿರುವ ಪೊಲೀಸರು ಆಕೆ ಕುರಿತು ಮಾಹಿತಿ ಕಲೆಹಾಕಿದ್ದಾರೆ.