Gundlupet: ಬಂಡೆ ಮೇಲೆ ಹುಲಿ; ಆತಂಕ

ಗುಂಡ್ಲುಪೇಟೆ: ತಾಲೂಕಿನ ಪಾರ್ವತಿ ಬೆಟ್ಟಕ್ಕೆ ಹೊಂದಿಕೊಂಡಿರುವ ಗದ್ದಿಗಲ್ಲು ಸಮೀಪದ ಬಂಡೆ ಕಲ್ಲಿನ ಮೇಲೆ ರವಿವಾರ ಬೆಳಗ್ಗೆ ಹುಲಿಯೊಂದು ಕಾಣಿಸಿಕೊಂಡಿದ್ದು ಜನರು ಭೀತರಾಗಿದ್ದಾರೆ.

ಕಂದೇಗಾಲ ಗ್ರಾಮದ ಸಮೀಪವಿ ರುವ ಸಿದ್ದಪ್ಪಾಜಿ ಗದ್ದಿಗಲ್ಲಿಗೆ ಪ್ರತಿನಿತ್ಯ ಹಲವು ಮಂದಿ ಭಕ್ತರು ಭೇಟಿ ನೀಡುತ್ತಿದ್ದು ಸೋಮವಾರ ಮತ್ತು ಶುಕ್ರವಾರ ಭಕ್ತರ ಸಂಖ್ಯೆ ದುಪ್ಪಟ್ಟಾಗಿರುತ್ತದೆ. ಆದರೆ ಬೆಳ್ಳಂಬೆಳಗ್ಗೆಯೇ ಸಮೀಪದ ಬಂಡೆಯ ಮೇಲೆ ಹುಲಿ ವಿರಾಜಮಾನವಾಗಿದ್ದುದನ್ನು ಕಂಡು ಭಕ್ತರಿಗೆ ರೋಮಾಂಚನವಾಗಿದೆ. ಈ ದೃಶ್ಯವನ್ನು ಭಕ್ತನೋರ್ವ ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾನೆ.