Gujarat ಕಛ್ ನಲ್ಲಿ ವಿಚಿತ್ರ ಜ್ವರ: 13 ಮಂದಿ ಸಾವು; ಜನರಲ್ಲಿ ಆತಂಕ

ಹೊಸದಿಲ್ಲಿ: ಭಾರೀ ಮಳೆಯಿಂದ ನಲುಗಿದ್ದ ಗುಜರಾತ್‌ನ ಕಛ್ ಜಿಲ್ಲೆಯಲ್ಲಿ ಇದೀಗ ನಿಗೂಢ ಖಾಯಿಲೆಯೊಂದು ತಲೆಯಿತ್ತಿದ್ದು 13 ಮಂದಿ ಸಾವಿಗೀಡಾಗಿದ್ದಾರೆ. ಜ್ವರ, ನೆಗಡಿ ಕೆಮ್ಮು ಮತ್ತು ನ್ಯುಮೋನಿಯಾಗಳು ಈ ಖಾಯಿಲೆಯ ಲಕ್ಷಣಗಳಾಗಿದ್ದು, ರೋಗಿಗಳ ರೋಗ ನಿರೋಧಕ ಶಕ್ತಿ ಕುಂದಿದ್ದು, ಶ್ವಾಸಕೋಶ ಮತ್ತು ಯಕೃತ್ತುಗಳು ಹಾನಿಯಾಗಿವೆ.

ಕೆಲವು ಹಿರಿಯ ನಾಗರಿಕರು ಜ್ವರ ಬಂದ 2 ದಿನಗಳಲ್ಲಿ ಅಸುನೀಗಿದ್ದಾರೆ. ರವಿವಾರ ಸಾಂದ್ರೊ ಗ್ರಾಮದ 12 ವರ್ಷದ ಬಾಲಕನೊಬ್ಬ ಮೃತಪಟ್ಟಿದ್ದಾನೆ. ಆರೋಗ್ಯ ಇಲಾಖೆಯು ರೋಗದ ಮೂಲ ಪತ್ತೆಗೆ ಸ್ಯಾಂಪಲ್‌ಗ‌ಳನ್ನು ವಿವಿಧ ಪ್ರಯೋಗಾಲಯಗಳಿಗೆ ಕಳುಹಿಸಿದ್ದು, ವಿವಿಧ ವೈದ್ಯ ತಂಡಗಳು ರೋಗ ಪತ್ತೆ ಮತ್ತು ನಿಯಂತ್ರಣಕ್ಕಾಗಿ ಕಛ್ ಗೆ ಆಗಮಿಸಿವೆ.