ಈ ಪೋರನಿಗೆ ಅಂತಾರಾಷ್ಟ್ರೀಯ ಪ್ರಶಸ್ತಿ

ವಡೋದರ: ಗುಜರಾತ್‌ನ ವಡೋದರದ ಕೇವಲ 9 ವರ್ಷದ ಚಿತ್ರ ಕಲಾವಿದ ಗೌತಮ್‌, 3 ಪ್ರತಿಷ್ಠಿತ ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದಾರೆ.

2020ರಲ್ಲಿ ಅಮೆರಿಕದಲ್ಲಿ 36 ದೇಶಗಳ 500 ಸ್ಪರ್ಧಿಗಳು ಪಾಲ್ಗೊಂಡಿದ್ದರು. ಅಲ್ಲಿ ಗೌತಮ್‌ ಬಿಡಿಸಿದ ಚಿತ್ರಕ್ಕೆ ಮೊದಲ ಸ್ಥಾನ ಬಂದಿತ್ತು.

2021ರಲ್ಲಿ ಜಪಾನ್‌ನಲ್ಲಿ ನಡೆದ ಸ್ಪರ್ಧೆಯೊಂದರಲ್ಲಿ 45 ದೇಶಗಳ 6,000 ಸ್ಪರ್ಧಿಗಳು ಪಾಲ್ಗೊಂಡಿದ್ದರು.
ಅವರನ್ನೆಲ್ಲ ಗೌತಮ್‌ ಮೀರಿಸಿದ್ದರು.

ಅದೇ ವರ್ಷ ಜಪಾನ್‌ನಲ್ಲೇ ನಡೆದ ಇನ್ನೊಂದು ಸ್ಪರ್ಧೆಯಲ್ಲಿ 100 ದೇಶಗಳ 70,000 ಸ್ಪರ್ಧಿಗಳು ಪಾಲ್ಗೊಂಡಿದ್ದರು. ಅಲ್ಲಿ ಗೌತಮ್‌ ವಿಶೇಷ ಪ್ರಶಸ್ತಿ ಪಡೆದಿದ್ದರು.