ಗುಜರಾತ್‌, ಹಿ.ಪ್ರದೇಶ ಚುನಾವಣಾ ದಿನಾಂಕ ಇಂದು ಪ್ರಕಟ

ಹೊಸದಿಲ್ಲಿ : ಗುಜರಾತ್‌ ಮತ್ತು ಹಿಮಾಚಲ ಪ್ರದೇಶ ವಿಧಾನಸಭಾ ಚುನಾವಣೆಗಳ ದಿನಾಂಕಗಳನ್ನು ಚುನಾವಣಾ ಆಯೋಗ ಇಂದು ಗುರುವಾರ ಸಂಜೆ ಪ್ರಕಟಿಸುವ ನಿರೀಕ್ಷೆ ಇದೆ.

ಮೂಲಗಳ ಪ್ರಕಾರ ಗುಜರಾತ್‌ ವಿಧಾನಸಭಾ ಚುನಾವಣೆ ಎರಡು ಹಂತಗಳಲ್ಲಿ ನಡೆಯಲಿದೆ; ಹಿಮಾಚಲ ಪ್ರದೇಶ ಚುನಾವಣೆ ಒಂದೇ ಹಂತದಲ್ಲಿ ಮುಗಿಯಲಿದೆ.

ಇಂದು ಸಂಜೆ ನಾಲ್ಕು ಗಂಟೆಯ ವೇಳೆಗೆ ಚುನಾವಣಾ ವೇಳಾಪಟ್ಟಿ ಪ್ರಕಟವಾಗುವ ನಿರೀಕ್ಷೆ ಇದೆ. 

182 ಸದನ ಬಲದ ಹಾಲಿ ಗುಜರಾತ್‌ ವಿಧಾನಸಭೆಯ ಅವಧಿ 2018ರ ಜನವರಿ 22ರಂದು ಮುಗಿಯಲಿದೆ. 2012ರಲ್ಲಿ ಗುಜರಾತ್‌ ವಿಧಾನಸಭಾ ಚುನಾವಣೆ ಎರಡು ಹಂತಗಳಲ್ಲಿ ಡಿ.13 ಮತ್ತು ಡಿ.17ರಂದು ನಡೆದಿತ್ತು.

ಹಿಮಾಚಲ ಪ್ರದೇಶದ ಹಾಲಿ ವಿಧಾನಸಭೆಯ ಅವಧಿಯು 2018ರ ಜನವರಿ 7ರಂದು ಮುಗಿಯಲಿದೆ.