ಗುಜರಾತ್‌ ಚುನಾವಣೆ: 34 ಅಭ್ಯರ್ಥಿಗಳ ಬಿಜೆಪಿ 6ನೇ ಪಟ್ಟಿ ಬಿಡುಗಡೆ

ಅಹ್ಮದಾಬಾದ್‌ : ಭಾರತೀಯ ಜನತಾ ಪಕ್ಷ ಮುಂಬರುವ ಗುಜರಾತ್‌ ವಿಧಾನಸಭಾ ಚುನಾವಣೆಗೆ ತನ್ನ 34 ಅಭ್ಯರ್ಥಿಗಳನ್ನು ಒಳಗೊಂಡ ಆರನೇ ಪಟ್ಟಿಯನ್ನು ಇಂದು ಸೋಮವಾರ ಬಿಡುಗಡೆ ಮಾಡಿದೆ.

ಇದರೊಂದಿಗೆ ಬಿಜೆಪಿ ಈ ತನಕ 182 ಸ್ಥಾನಗಳಿಗೆ ತನ್ನ ಅಭ್ಯರ್ಥಿಗಳನ್ನು ಪ್ರಕಟಿಸಿದಂತಾಗಿದೆ. ಎರಡನೇ ಹಂತದ ಗುಜರಾತ್‌ ವಿಧಾನಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸಲು ಇಂದು ಸೋಮವಾರ ಕೊನೇ ದಿನವಾಗಿದೆ.

ಕಳೆದ ನ.24ರಂದು ಬಿಜೆಪಿ ಪ್ರಕಟಿಸಿದ್ದ ತನ್ನ 5ನೇ ಪಟ್ಟಿಯಲ್ಲಿ ಪ್ರಮುಖ ಪಾಟಿದಾರ್‌ ನಾಯಕರಲ್ಲದೆ ಕೆಲವೊಂದು ಹೊಸ ಮುಖಗಳು ಇದ್ದವು.

ಬಿಜೆಪಿ ಮೊದಲ ಪಟ್ಟಿಯಲ್ಲಿ 70 ಮಂದಿ ಅಭ್ಯರ್ಥಿಗಳು, ಎರಡನೇ ಪಟ್ಟಿಯಲ್ಲಿ 36 ಮತ್ತು 3ನೇ ಪಟ್ಟಿಯಲ್ಲಿ 28 ಅಭ್ಯರ್ಥಿಗಳ ಹೆಸರುಗಳಿದ್ದವು.

ನ.21ರಂದು ಬಿಡುಗಡೆ ಮಾಡಲಾಗಿದ್ದ ನಾಲ್ಕನೇ ಪಟ್ಟಿಯಲ್ಲಿ ಕೇವಲ ಒಬ್ಬರು ಅಭ್ಯರ್ಥಿಯ ಹೆಸರು ಮಾತ್ರವೇ ಇತ್ತು.