Gujarat: ಮಳೆಯಿಂದ ನಲುಗಿದ ಬಳಿಕ ಈಗ ಅಸ್ನಾ ಸೈಕ್ಲೋನ್‌ ಭೀತಿ!

ಅಹ್ಮದಾಬಾದ್‌: ಧಾರಾಕಾರ ಮಳೆಯಿಂದ ತತ್ತರಿ ಸಿರುವಂತೆಯೇ ಗುಜರಾತ್‌ಗೆ ಈಗ ಚಂಡ ಮಾರುತದ ಭೀತಿ ಉಂಟಾಗಿದೆ. ಗುಜರಾತ್‌ನ ಕಛ ಜಿಲ್ಲೆಯ ಅರಬಿ ಸಮುದ್ರದಲ್ಲಿ ವಾಯುಭಾರ ಕುಸಿತ ಉಂಟಾಗಿದೆ. ಮುಂದಿನ ದಿನಗಳಲ್ಲಿ ಅದು ಚಂಡಮಾರುತವಾಗಿ ರೂಪಾಂತರವಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ನೆಚ್ಚರಿಕೆ ನೀಡಿದೆ. 1976ರ ಆಗಸ್ಟ್‌ ಬಳಿಕ ಅಂದರೆ 48 ವರ್ಷಗಳ ಬಳಿಕ ಮೊದಲ ಬಾರಿಗೆ ಪ್ರಸಕ್ತದ ಆಗಸ್ಟ್‌ನಲ್ಲಿ ಚಂಡ ಮಾರುತ ಉಂಟಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ತಗ್ಗು ಪ್ರದೇಶದ ಜನರನ್ನು ಸುರಕ್ಷಿತ ಸ್ಥಳಕ್ಕೆ ತೆರಳಲು ಎಂದು ರಾಜ್ಯ ಸರಕಾರ ಸೂಚಿಸಿದೆ. ಈ ಬಾರಿಯ ಚಂಡಮಾರುತಕ್ಕೆ ಪಾಕಿಸ್ಥಾನ ಸರಕಾರ “ಅಸ್ನಾ’ ಎಂಬ ಹೆಸರು ಇರಿಸಿದೆ.