ಗುಜರಾತ್‌ ದೊಂಬಿ: ಮೋದಿ ಕ್ಲೀನ್‌ ಚಿಟ್‌ ಸುಪ್ರೀಂ ವಿಚಾರಣೆ ಜನವರಿಗೆ

ಹೊಸದಿಲ್ಲಿ : 2002ರ ಗೋದ್ರಾ ದೊಂಬಿಗೆ ಸಂಬಂಧಿಸಿ ಆಗಿನ ಗುಜರಾತ್‌ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರಿಗೆ ವಿಶೇಷ ತನಿಖಾ ತಂಡ (ಎಸ್‌ಐಟಿ) ಕ್ಲೀನ್‌ ಚಿಟ್‌ ನೀಡಿರುವುದನ್ನು ಪ್ರಶ್ನಿಸಿ ಝಾಕಿಯಾ ಜಾಫ್ರಿ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆಯನ್ನು ಸುಪ್ರೀಂ ಕೋರ್ಟ್‌ ಜನವರಿ ಮೂರನೇ ವಾರದ ತನಕ ಮುಂದೂಡುವ ನಿರ್ಧಾರವನ್ನು ಇಂದು ಸೋಮವಾರ ತಳೆಯಿತು. 

ಝಾಕಿಯಾ ಜಾಫ್ರಿ ಅವರು 2002ರ ಗುಜರಾತ್‌ದೊಂಬಿಯಲ್ಲಿ ಹತರಾಗಿದ್ದ ಮಾಜಿ ಸಂಸದ ಎಹಸಾನ್‌ ಜಾಫ್ರಿ ಅವರ ಪತ್ನಿ. ನರೇಂದ್ರ ಮೋದಿ ಅವರಿಗೆ ಕ್ಲೀನ್‌ ಚಿಟ್‌ ನೀಡಿದ್ದ ಎಸ್‌ಐಟಿ ನಿರ್ಧಾರವನ್ನು ಪ್ರಶ್ನಿಸಿ ಝಾಕಿಯಾ ಸಲ್ಲಿಸಿದ್ದ ಅರ್ಜಯನ್ನು ಗುಜರಾತ್‌ ಹೈಕೋರ್ಟ್‌ 2017ರ ಅಕ್ಟೋಬರ್‌ 5ರಂದು ತಿರಸ್ಕರಿಸಿತ್ತು. 

ಜಸ್ಟಿಸ್‌ ಎ ಎಂ ಖಾನ್‌ವಿಲ್ಕರ್‌  ಮತ್ತು ಜಸ್ಟಿಸ್‌ ಹೇಮಂತ್‌ ಗುಪ್ತಾ ಅವರನ್ನು ಒಳಗೊಂಡ ಸುಪ್ರೀಂ ಕೋರ್ಟ್‌ ಪೀಠ ಇಂದು ಸೋಮವಾರ ಝಾಕಿಯಾ ಅವರ ಅರ್ಜಿ ಮೇಲಿನ ವಿಚಾರಣೆಯನ್ನು ಜನವರಿ ಮೂರನೇ ವಾರದ ವರೆಗೆ ಮುಂದೂಡಿತು.