ಗುಡಿಬಂಡೆ: ತಾಲೂಕಿನ ಹಂಪಸಂದ್ರ ಡ್ಯಾಂನಲ್ಲಿ ಭಾರಿ ಗಾತ್ರದ ಮೀನು ಎಂದು ವೈರಲ್ ಆಗಿದ್ದ ವಿಡಿಯೋ, 2020 ರಲ್ಲಿ ಚಿಕ್ಕೋಡಿ ತಾಲೂಕಿನ ಮಾರ್ಕಂಡಯ್ಯ ನದಿ ಪ್ರವಾಹದಲ್ಲಿ ಕಂಡ ಮೀನಿನದು ಆಗಿರುತ್ತದೆ.
ಹಂಪಸಂದ್ರ ಡ್ಯಾಂನಲ್ಲಿ ಸುಮಾರು 15 ರಿಂದ 20 ಕೆ.ಜಿ. ತೂಗುವ ಮೀನುಗಳು ಸಿಗುತ್ತಿದ್ದು, ಅದರಂತೆ ಡ್ಯಾಂಗೆ ಭಾರಿ ಪ್ರಮಾಣದಲ್ಲಿ ಕುಶಾವತಿ ನದಿ ನೀರು ಹರಿದು ಬರುತ್ತಿರುವುದರಿಂದ, ಡ್ಯಾಂನಲ್ಲಿನ ಭಾರಿ ಗಾತ್ರದ ಮೀನುಗಳಲ್ಲಿ ಮೀನು ಒಂದು ದಡಕ್ಕೆ ಬಂದು ಹೋಗುವ 30 ಸೆಕೆಂಡುಗಳ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ ವೈರಲ್ ಆಗಿ ಸಾರ್ವಜನಿಕ ಚರ್ಚೆಗೆ ಗ್ರಾಸವಾಗಿತ್ತು.
ಈ ವಿಡಿಯೋ ಬಗ್ಗೆ ಫ್ಯಾಕ್ಟ್ ಚೆಕ್ ಮಾಡಿದಾಗ 2020 ರ ಆಗಸ್ಟ್ ತಿಂಗಳಿನಲ್ಲಿ ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಬಸಾಪುರ ಬಳಿಯ ಮಾರ್ಕಂಡಯ್ಯ ನದಿ ಪ್ರವಾಹದಲ್ಲಿ ಭಾರಿ ಗಾತ್ರದ ಮೀನು ಕಂಡು ಬಂದು, ಆ ಸಮಯದಲ್ಲಿ ಸಾರ್ವಜನಿಕ ಚರ್ಚೆಗೆ ಗ್ರಾಸವಾಗಿತ್ತು.
ಈಗ ಅದೇ ವಿಡಿಯೋ ಗುಡಿಬಂಡೆ ತಾಲೂಕಿನಲ್ಲಿ ಸಾರ್ವಜನಿಕ ಚರ್ಚೆಗೆ ಗ್ರಾಸವಾಗಿದೆ.
