Advertisement
ಸೇನಾಪುರ ಗ್ರಾಮದ ಗುಡ್ಡಮ್ಮಾಡಿಯ ನಿವಾಸಿ ವಾಲ್ಟರ್‌ ಡಿ’ ಅಲ್ಮೇಡಾ (52) ಮೃತ ವ್ಯಕ್ತಿ. ಇವರನ್ನು ಕಾಪಾಡಲು ಬಾವಿಗಿಳಿದ ಸಹೋದರ ಅಲ್ಬನ್‌ ಡಿ’ಅಲ್ಮೇಡಾ ಅವರು ಕೂಡ ಅಸ್ವಸ್ಥಗೊಂಡಿದ್ದು, ಕುಂದಾಪುರದ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.ಮೃತ ವಾಲ್ಟರ್‌ ಡಿ’ಅಲ್ಮೇಡಾ ಅವರು ಪತ್ನಿ ಹಾಗೂ ಓರ್ವ ಪುತ್ರಿಯನ್ನು ಅಗಲಿದ್ದಾರೆ.
ಲಾಕ್‌ಡೌನ್‌ಗಿಂತ ಮುನ್ನ ಇವರಿಬ್ಬರು ಕೂಡ ಹೊರ ಜಿಲ್ಲೆಯಲ್ಲಿ ಹೋಟೆಲ್‌ ಕೆಲಸ ಮಾಡಿಕೊಂಡಿದ್ದು, ಸಹೋದರರಿಬ್ಬರು ಕೂಡ ಪರಿಶ್ರಮಿಗಳಾಗಿದ್ದರು. ಊರಿಗೆ ಬಂದಿದ್ದ ಇವರು ಕೂಲಿ ಕೆಲಸ ಮಾಡುತ್ತಿದ್ದರು. ಸ್ಥಳಕ್ಕೆ ಗಂಗೊಳ್ಳಿ ಠಾಣಾಧಿಕಾರಿ ಭೀಮಾಶಂಕರ್‌ ಹಾಗೂ ಸಿಬಂದಿ ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಅಗ್ನಿಶಾಮಕ ಸಹ ಠಾಣಾಧಿಕಾರಿ ಕೊರಗ ನಾಗ ಮೊಗೇರ, ಪ್ರಮುಖ ಅಗ್ನಿಶಾಮಕ ಸಿಬಂದಿಯಾದ ಪ್ರದೀಪ್‌ ನಾಯ್ಕ, ಬಿ. ಸುಂದರ, ಫೈರ್‌ಮನ್‌ ಆಶಾ, ಪಿ. ಗೋಪಾಲ, ಮಹೇಶ್‌ ಶೆಟ್ಟಿ, ಪದ್ಮನಾಭ ಕಾಂಚನ್‌ ಮೊದಲಾದವರು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.