ಜಿಎಸ್‌ಟಿ ಯುಪಿಎ ಕೊಡುಗೆ: ಪಾಟೀಲ 

ವಿಜಯಪುರ: ಜಿಎಸ್‌ಟಿ ನೀತಿ ಯುಪಿಎ ಸರ್ಕಾರದ ಕೊಡುಗೆಯಾಗಿದೆ. ಆಗ ಗುಜರಾತ್‌ ಸಿಎಂ ಆಗಿದ್ದ ನರೇಂದ್ರ ಮೋದಿ ಜಿಎಸ್‌ಟಿ ಅನುಷ್ಠಾನ ವಿರೋಧಿಸಿದ್ದರು. ಇದೀಗ ಅವರೇ ಪ್ರಧಾನಿಯಾಗಿ”ಒಂದು ದೇಶ, ಒಂದೇ ತೆರಿಗೆ’ ಎಂದು ಬಣ್ಣಿಸಿ, ನಮ್ಮ ಸರ್ಕಾರದಸಾಧನೆಯನ್ನು ತಮ್ಮದೆಂದು ಬಿಂಬಿಸಿಕೊಳ್ಳುತ್ತಿದ್ದಾರೆ ಎಂದು ಸಚಿವ ಡಾ| ಎಂ.ಬಿ. ಪಾಟೀಲ ವ್ಯಂಗ್ಯವಾಡಿದ್ದಾರೆ. 

ಶನಿವಾರ ಸುದ್ದಿಗಾರರ ಜತೆ ಮಾತನಾಡಿ, ಜಿಎಸ್‌ಟಿ ಮಾತ್ರವಲ್ಲ ಆಧಾರ್‌, ಎನ್‌ಆರ್‌ಇಜಿ, ಆಹಾರ ಭದ್ರತೆ, ಬಿಸಿಯೂಟ ಮುಂತಾದ ಹಲವು ಕಾರ್ಯಕ್ರಮಗಳು ಕಾಂಗ್ರೆಸ್‌ ಸರ್ಕಾರದ ಕೊಡುಗೆ. ಆಗ ಈ ಎಲ್ಲ ಯೋಜನೆಗಳನ್ನು ವಿರೋಧಿಸಿದ್ದ ಮೋದಿ ಇದೀಗ ಅವುಗಳನ್ನೇ ಅನುಷ್ಠಾನಗೊಳಿಸಿ ತಮ್ಮ ಸಾಧನೆ ಎಂದು ಬಿಂಬಿಸಿಕೊಳ್ಳುತ್ತಿದ್ದಾರೆ. ಹೀಗಾಗಿ ಬಿಜೆಪಿ ನಾಯಕರು ಎಂದರೆ “ಟಾಕ್‌ ಮೋರ್‌, ವರ್ಕ್‌ ಲೆಸ್‌’ಎಂದು ಟೀಕಿಸಿದರು.