GSTಯಿಂದ ಐಟಿ ಜಾಲಕ್ಕೆ 18 ಲಕ್ಷ ಹೊಸಬರ ಸೇರ್ಪಡೆ: UNಗೆ ಭಾರತ

ವಿಶ್ವಸಂಸ್ಥೆ : ನೋಟು ಅಪನಗದೀಕರಣ ಮತ್ತು ಸರಕು ಸೇವಾ ತೆರಿಗೆ ಅನುಷ್ಠಾನದಿಂದಾಗಿ ದೇಶದಲ್ಲಿನ ಆದಾಯ ತೆರಿಗೆ ಜಾಲಕ್ಕೆ ಹೊಸದಾಗಿ 18 ಲಕ್ಷ ಮಂದಿ ಸೇರಿದ್ದಾರೆ ಎಂದು ಭಾರತ, ವಿಶ್ವಸಂಸ್ಥೆಗೆ ತಿಳಿಸಿದೆ. 

ವಿದೇಶ ವ್ಯವಹಾರಗಳ ಸಚಿವಾಲಯದ ಹೆಚ್ಚುವರಿ ಕಾರ್ಯದರ್ಶಿ ಎ ಗೀತೇಶ್‌ ಶರ್ಮಾ ಅವರು ಇಸಿಓಎಸ್‌ಓಸಿ ವೇದಿಕೆಯಲ್ಲಿ ಮಾತನಾಡುತ್ತಾ ಭಾರತ ಪ್ರಕೃತ ಒಂದರ ಬಳಿಕ ಒಂದರಂತೆ ಸುಧಾರಣೆಗಳನ್ನು ಜಾರಿಗೆ ತರುತ್ತಲೇ ಇದೆ ಎಂದು ಹೇಳಿದರು. 

ನಗದು ವ್ಯವಹಾರಗಳ ಬದಲು ಡಿಜಿಟಲ್‌ ವ್ಯವಹಾರಕ್ಕೆ ಅತ್ಯಧಿಕ ಮಹತ್ವಕೊಟ್ಟು ಜನರಲ್ಲಿ ಆ ಪ್ರವೃತ್ತಿಯನ್ನು ಪ್ರೋತ್ಸಾಹಿಸುತ್ತಿರುವಂತೆಯೇ ಭಾರತ, ಕ್ರಾಂತಿಕಾರ ಜಿಎಸ್‌ಟಿಯನ್ನು ಜಾರಿಗೆ ತಂದಿದೆ. ಪರೋಕ್ಷ ತೆರಿಗೆ ಪಾವತಿದಾರರ ಸಂಖ್ಯೆ ಶೇ.50ರಷ್ಟು ಏರಿದೆ ಎಂದು ಶರ್ಮಾ ಹೇಳಿದರು.