ತಲೆ ಮರೆಸಿಕೊಂಡ ಆರೋಪಿ ಮಲ್ಯ

ಲಂಡನ್‌: ತಲೆಮರೆಸಿಕೊಂಡಿರುವ ಸಾಲಗಾರ ಉದ್ಯಮಿ ವಿಜಯ್‌ ಮಲ್ಯ ಅವರನ್ನು ಕಾನೂನಿನಿಂದ ತಪ್ಪಿಸಿಕೊಳ್ಳುವ ಸಲುವಾಗಿ ದೇಶ ಭ್ರಷ್ಟನಾಗಿರುವ ಆರೋಪಿ ಎಂದು ಲಂಡನ್‌ ಹೈಕೋರ್ಟ್‌ ಘೋಷಿಸಿದೆ. ಈ ಮೂಲಕ, ಸತತ ಪ್ರಯತ್ನಗಳ ಹೊರತಾಗಿಯೂ ಮಲ್ಯ, ಭಾರತಕ್ಕೆ ಹಸ್ತಾಂತರಗೊಳ್ಳುವುದು ಬಹುತೇಕ ಖಾತ್ರಿಯಾಗಿದೆ. ಮಂಗಳವಾರ ವೆಸ್ಟ್‌ಮಿನಿಸ್ಟರ್‌ ಕೋರ್ಟಲ್ಲಿ  ನ್ಯಾಯಮೂರ್ತಿ ಆ್ಯಂಡ್ರೂ ಹೆನ್ಶಾ, ಪುರಾವೆಗಳು ಅವರ ಮೋಸದ ಜಾಲವನ್ನು ಸಾಬೀತು ಪಡಿಸುತ್ತಿವೆ ಎಂದಿದ್ದಾರೆ. ವಿಜಯ್‌ ಮಲ್ಯ 1992ರಿಂದ ತಾನು ಬ್ರಿಟನ್‌ನಲ್ಲೇ ವಾಸಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಆದರೆ ಈ ಅಂಶವನ್ನು ಹೈಕೋರ್ಟ್‌ ಒಪ್ಪಿಲ್ಲ.

ಟಿಪ್ಪು ಖಡ್ಗ ಪ್ರಸ್ತಾಪ: 2003ರಲ್ಲಿ ಟಿಪ್ಪು ಖಡ್ಗವನ್ನು ಹರಾಜಿನಲ್ಲಿ ಖರೀದಿಸಿದ್ದ ಮಲ್ಯ, ಆನಂತರ 2006ರಲ್ಲಿ ಅದನ್ನು ಮಾರಿದ್ದಾಗಿ ಘೋಷಿಸಿದ್ದಾರೆ. ಆದರೆ, ಯಾರಿಗೆ ನೀಡಿದ್ದಾರೆಂದು ಖಾತ್ರಿಪಡಿಸದ ಕಾರಣ, ಕರ್ನಾಟಕ ಹೈಕೋರ್ಟ್‌ ನೀಡಿದ್ದ ಆದೇಶಕ್ಕೆ ವಿರುದ್ಧವಾದದ್ದಾಗಿದೆ ಎಂದು ಕೋರ್ಟ್‌ ಹೇಳಿದೆ.