ಸುಳ್ಯದಲ್ಲಿ ಹೊತ್ತಿ ಉರಿದ ಗ್ರೈಂಡರ್

ಸುಳ್ಯ: ಅಕ್ಕಿ ರುಬ್ಬುತ್ತಿದ್ದ ಗ್ರೈಂಡರ್ ನಲ್ಲಿ ಏಕಾಏಕಿ ಬೆಂಕಿ ಕಾಣಿಸಿಕೊಂಡು ಸಂಪೂರ್ಣ ಸುಟ್ಟುಹೋದ ಘಟನೆ ಶುಕ್ರವಾರ ಸಂಜೆ ಸುಳ್ಯ ನಗರದ ಹಳೆಗೇಟು ಗುಂಡಿಯಡ್ಕ ಜಿ. ಸಾಧಿಕ್‌ ಅವರ ಮನೆಯಲ್ಲಿ ಸಂಭವಿಸಿದೆ.

ಗ್ರೈಂಡರ್ ನಲ್ಲಿ ಅಕ್ಕಿ ರುಬ್ಬಲು ಹಾಕಿ ಮತ್ತೊಂದು ಕೋಣೆಯಲ್ಲಿ ಮನೆ ಕೆಲಸದಲ್ಲಿ ತೊಡಗಿಕೊಂಡಿದ್ದಾಗ ವಯರ್‌ ಸುಟ್ಟುಹೋದ ವಾಸನೆ ಬಂದಿದ್ದು, ಅಡುಗೆ ಕೋಣೆಗೆ ಧಾವಿಸಿ ನೋಡಿದಾಗ ಬೆಂಕಿ ಹೊತ್ತಿಕೊಂಡಿತ್ತು.

ಕೂಡಲೇ ಮೈನ್‌ ಸ್ವಿಚ್‌ ಆಫ್‌ ಮಾಡಿ, ಗ್ರೈಂಡರ್ ನ ಪಕ್ಕದಲ್ಲಿದ್ದ ಗ್ಯಾಸ್‌ ಸಿಲಿಂಡರನ್ನು ಹೊರಗೆ ತಂದು ಸಂಭಾವ್ಯ ಅನಾಹುತ ತಪ್ಪಿಸಿದರು. ಐದು ತಿಂಗಳ ಹಿಂದೆ ಖರೀದಿಸಿದ ಗ್ರೈಂಡರ್ ಇದು ಎಂದು ತಿಳಿದುಬಂದಿದೆ.