ಸೆರೆಮನೆ ನೋಡುವುದಕ್ಕಾಗಿ ಬಂಧನಕ್ಕೊಳಗಾದ ಅಜ್ಜಿ

ಆ್ಯಮ್‌ಸ್ಟರ್‌ಡ್ಯಾಮ್‌: ತಪ್ಪೆಸಗಿರುವ ಯುವಕರೂ ಜೈಲು ಸೇರುವುದಕ್ಕೆ ಹಿಂಜರಿದು, ನಾಪತ್ತೆಯಾಗುವುದನ್ನು ದಿನಬೆಳಗಾದರೆ  ನೋಡುತ್ತೇವೆ. ಆದರೆ ನೆದರ್‌ಲ್ಯಾಂಡ್‌ನ‌ಲ್ಲಿ ಶತಕದ ಅಂಚಿನಲ್ಲಿರುವ 99ರ ವಯಸ್ಸಿನ ಅಜ್ಜಿಯೊಬ್ಬರು ಸ್ವಯಂಪ್ರೇರಣೆಯಿಂದ ಕೈಗೆ ಕೋಳ ತೊಡಿಸಿಕೊಂಡು ಜೈಲು ಸೇರಿದ್ದಾರೆ! ಅಷ್ಟಕ್ಕೂ “ಅನ್ನೀ’ ಹೆಸರಿನ ಈ ಅಜ್ಜಿ ಇಳಿವಯಸ್ಸಿನಲ್ಲಿ ಜೈಲು ಸೇರುವ ತಪ್ಪೇನನ್ನೂ ಮಾಡಿರಲಿಲ್ಲ. ಅದ್ಯಾಕೋ ಜೈಲಿಗೆ ಹೋಗ ಬೇಕೆನ್ನುವ ಇಂಗಿತ ಅವರಲ್ಲಿ ಮೂಡಿದೆಯಷ್ಟೆ. ವೀಲ್‌ ಚೇರ್‌ನಲ್ಲೇ ಓಡಾಡುವ ಈ ಅಜ್ಜಿಗೆ ಕೋಳ ತೊಡಿಸಿ ಬಂಧಿಸಿರುವ ಚಿತ್ರಗಳನ್ನು ಪೊಲೀಸರು ಫೇಸ್‌ಬುಕ್‌ನಲ್ಲಿ ಪ್ರಕಟಿಸಿದ್ದು, ಇವು ವೈರಲ್‌ ಆಗಿವೆ.