GPS ಸಿಗ್ನಲ್‌ ಸ್ಥಗಿತ: ಅಲರ್ಟ್‌

ಹೊಸದಿಲ್ಲಿ:ಮಧ್ಯಪ್ರಾಚ್ಯದ ಕೆಲವು ಭಾಗಗಳಲ್ಲಿ ಹಾರಾಟ ನಡೆಸುವ ವೇಳೆ ವಿಮಾನಗಳು ಏಕಾಏಕಿ ಜಿಪಿಎಸ್‌ ಸಿಗ್ನಲ್‌ ಸಮಸ್ಯೆ ಎದುರಿಸುತ್ತಿರುವುದು ಭಾರೀ ಕಳವಳಕ್ಕೆ ಕಾರಣವಾಗಿದೆ.
ಹಾರಾಟದ ಸಮಯದಲ್ಲಿ ದಿಢೀರನೆ ಜಿಪಿಎಸ್‌ ಸಿಗ್ನಲ್‌ ಸ್ಥಗಿತಗೊಳ್ಳುವ ಕಾರಣ, ಪೈಲಟ್‌ಗಳು ಗೊಂದಲದಲ್ಲೇ ವಿಮಾನವನ್ನು ಚಲಾಯಿಸಬೇಕಾದ ಅನಿವಾರ್ಯತೆ ಎದುರಾಗಿದೆ.

ಇದು ದೊಡ್ಡಮಟ್ಟದ ಅಪಾಯಕ್ಕೆ ಕಾರಣವಾಗುವ ಸಾಧ್ಯತೆಯಿದ್ದು, ಎಚ್ಚರಿಕೆ ವಹಿಸುವಂತೆ ಎಲ್ಲ ವಿಮಾನಯಾನ ಸಂಸ್ಥೆಗಳಿಗೂ ಡಿಜಿಸಿಎ ಸಂದೇಶ ರವಾನಿಸಿದೆ. ಪ್ರಾದೇಶಿಕ ಸಂಘರ್ಷವಿರುವಂಥ ಪ್ರದೇಶಗಳಲ್ಲಿ ಅಳವಡಿಸಲಾಗಿರುವ ಸೇನಾ ಎಲೆಕ್ಟ್ರಾನಿಕ್‌ ಯುದ್ಧ ಸಾಧನಗಳೇ ಇದಕ್ಕೆ ಕಾರಣವಿರಬಹುದು ಎಂದು ಅಂದಾಜಿಸಲಾಗಿದೆ.