Advertisement

ಪ್ರಾಚ್ಯವಸ್ತು ಸಂರಕ್ಷಣೆಗೆ ವಿಶ್ವದರ್ಜೆಯ ತಂತ್ರಜ್ಞಾನ

09:55 PM Oct 16, 2021 | Team Udayavani |

ನವದೆಹಲಿ: ರಾಷ್ಟ್ರ ರಾಜಧಾನಿಯಲ್ಲಿರುವ ರಾಷ್ಟ್ರೀಯ ವಸ್ತು ಸಂಗ್ರಹಾಲಯದಲ್ಲಿರುವ ಸುಮಾರು 1.95 ಲಕ್ಷ ಪುರಾತನ ವಸ್ತುಗಳನ್ನು ಜಾಗರೂಕವಾಗಿ ಸಂರಕ್ಷಿಸುವಂಥ ವಿಶ್ವದರ್ಜೆಯ ತಂತ್ರಜ್ಞಾನವೊಂದನ್ನು ಅಳವಡಿಸಲು ಕೇಂದ್ರ ಸರ್ಕಾರ ಯೋಜಿಸಿದೆ.

Advertisement

ಹೊಸದಾಗಿ ನಿರ್ಮಾಣವಾಗಲಿರುವ “ನ್ಯೂ ನ್ಯಾಷನಲ್‌ ಮ್ಯೂಸಿಯಂ ಆಫ್ ಇಂಡಿಯಾ’ದಲ್ಲಿ ಈ ವಿಶೇಷತೆಗಳನ್ನು ಅಳವಡಿಸಲು ನಿರ್ಧರಿಸಲಾಗಿದೆ.

ಸ್ಥಳಾಂತರ ಏಕೆ?
ನವ ಸಂಸತ್‌ ಭವನ, ನೂತನ ಶಕ್ತಿಕೇಂದ್ರ, ಉಪರಾಷ್ಟ್ರಪತಿ ಹಾಗೂ ಪ್ರಧಾನಿಗೆ ನೂತನ ನಿವಾಸ ನಿರ್ಮಾಣ ಸೇರಿದಂತೆ ಬಹುದ್ದೇಶದ “ಸೆಂಟ್ರಲ್‌ ವಿಸ್ತಾ ಯೋಜನೆ’ಯ ಕಾಮಗಾರಿ ಪ್ರಗತಿಯಲ್ಲಿದೆ. ಈ ಯೋಜನೆ ರಾಷ್ಟ್ರಪತಿ ಭವನದಿಂದ ಜನಪಥ್‌ವರೆಗಿನ ಸುಮಾರು 3 ಕಿ.ಮೀ. ವ್ಯಾಪ್ತಿಯಲ್ಲಿ ಹರಡಿರುವುದರಿಂದ ಜನಪಥ್‌ನಲ್ಲೇ ಇರುವ ರಾಷ್ಟ್ರೀಯ ವಸ್ತುಸಂಗ್ರಹಾಲಯವನ್ನು ಸ್ಥಳಾಂತರಿಸಲು ನಿರ್ಧರಿಸಲಾಗಿದೆ.

ಎಲ್ಲಿಗೆ ಸ್ಥಳಾಂತರ?:
ಯೋಜನೆಯ ನೀಲನಕ್ಷೆಯ ಅನುಸಾರ, ಈಗಿರುವ ಸಂಸತ್‌ ಭವನದ ನೌರ್ತ್‌ ಮತ್ತು ಸೌತ್‌ ಬ್ಲಾಕ್‌ಗಳ ನಡುವಿನ 5 ಲಕ್ಷ ಚದುರಡಿ ವಿಸ್ತೀರ್ಣದ ಜಾಗದಲ್ಲಿ ಹೊಸ ರಾಷ್ಟ್ರೀಯ ವಸ್ತು ಸಂಗ್ರಹಾಲಯವನ್ನು ನಿರ್ಮಿಸಲು ಉದ್ದೇಶಿಸಲಾಗಿದೆ.

ಇದನ್ನೂ ಓದಿ:ಮಾಜಿ ಪಿಎಂ ಮನಮೋಹನ ಸಿಂಗ್‌ಗೆ ಡೆಂಗ್ಯೂ,ಆರೋಗ್ಯ ಸ್ಥಿರ

Advertisement

ಹೊಸ ಸಂಗ್ರಹಾಲಯದ ವಿಶೇಷತೆ
– ಈಗಿರುವ 2 ಲಕ್ಷ ಚದುರಡಿ ವಿಸ್ತೀರ್ಣವಿರುವ ವಸ್ತುಸಂಗ್ರಹಾಲಯ ಮುಂದೆ 5 ಲಕ್ಷ ಚದುರಡಿ ವಿಸ್ತೀರ್ಣದ ಕಟ್ಟಡಕ್ಕೆ ಸ್ಥಳಾಂತರ.
– ಮುಂದಿನ ನೂರು ವರ್ಷಗಳಲ್ಲಿ ಸಂಗ್ರಹಿಸಲಾಗುವ ಪುರಾತನ ಅಥವಾ ಚಾರಿತ್ರಿಕವಾಗಿ ಮಹತ್ವವೆನಿಸುವ ವಸ್ತುಗಳಿಗೂ ಸ್ಥಳಾವಕಾಶ
– ಜರ್ಮನಿ, ಫ್ರಾನ್ಸ್‌, ನೆದರ್ಲೆಂಡ್‌ ಸೇರಿದಂತೆ ಹಲವು ಮುಂದುವರಿದ ದೇಶಗಳಲ್ಲಿರುವಂಥ ಕೇಂದ್ರೀಕೃತ ಸಂಗ್ರಹಾಗಾರ ತಂತ್ರಜ್ಞಾನ ಅಳವಡಿಕೆ
– ಹೊಸ ಸಂಗ್ರಹಾಲಯದಲ್ಲಿ ಇಂದಿರಾಗಾಂಧಿ ನ್ಯಾಷನಲ್‌ ಸೆಂಟರ್‌ ಫಾರ್‌ ದ ಆರ್ಟ್ಸ್ ಹಾಗೂ ನ್ಯಾಷನಲ್‌ ಆಕೈವ್ಸ್‌ನಲ್ಲಿನ ವಸ್ತುಗಳು, ಪುಸ್ತಕಗಳೂ ಹೊಸ ಸಂಗ್ರಹಾಲಯಕ್ಕೆ ಸೇರುವ ಸಾಧ್ಯತೆ.

1.96  ಲಕ್ಷ – ಈಗಿನ ರಾಷ್ಟ್ರೀಯ ವಸ್ತುಸಂಗ್ರಹಾಲಯದಲ್ಲಿ ಇರುವ ಪುರಾತನ ವಸ್ತುಗಳು
2 ಲಕ್ಷ ಚದರಡಿ – ಈಗಿರುವ ವಸ್ತುಸಂಗ್ರಹಾಲಯದ ವಿಸ್ತೀರ್ಣ
5 ಲಕ್ಷ ಚದರಡಿ – ಹೊಸ ವಸ್ತುಸಂಗ್ರಹಾಲಯದಲ್ಲಿ ಇರುವ ಸ್ಥಳಾವಕಾಶ

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

More
Next