ಕೊರೊನಾ ಸಾವು: ವರದಿ ತಿರಸ್ಕರಿಸಿದ ಕೇಂದ್ರ

ನವದೆಹಲಿ: ದೇಶದಲ್ಲಿ ಕೊರೊನಾದಿಂದ ಅಸುನೀಗಿದವರ ಸಂಖ್ಯೆಯು ಕೇಂದ್ರ ಸರ್ಕಾರ ನೀಡಿರುವ ಸಂಖ್ಯೆಗಿಂತ ಜಾಸ್ತಿಯಿದೆ ಎಂದು ಕೆಲವು ಮಾಧ್ಯಮಗಳಲ್ಲಿ ಬಂದ ವರದಿಗಳನ್ನು ಕೇಂದ್ರ ಸರ್ಕಾರ ತಿರಸ್ಕರಿಸಿದೆ.

ಇಂಥ ವರದಿಗಳು ತಪ್ಪು ಮಾಹಿತಿಯಿಂದ ಕೂಡಿವೆ ಎಂದು ಹೇಳಿದೆ. “ಇಂಥ ಮಾಧ್ಯಮಗಳ ವರದಿಗಳು, ಸಾರ್ವಜನಿಕವಾಗಿ ಪ್ರಕಟಣೆಗೊಂಡ ಸಂಶೋಧನಾ ವರದಿಯೊಂದರ ಆಧಾರದ ಮೇಲೆ ಮೂಡಿಬಂದಿವೆ. ಅದರಲ್ಲಿ ಸರ್ಕಾರಕ್ಕೆ ಕೆಲವು ಕೊರೊನಾ ಸಾವುಗಳ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಹಾಗಾಗಿ, ಸರ್ಕಾರವು ನೀಡಿರುವ ಕೊರೊನಾ ಸಾವಿನ ಸಂಖ್ಯೆಗೂ, ನೈಜವಾಗಿ ಆಗಿರುವ ಕೊರೊನಾ ಸಾವುಗಳ ಸಂಖ್ಯೆಗೂ ಭಾರೀ ವ್ಯತ್ಯಾಸವಿದೆ ಎಂದು ವರದಿಗಳಲ್ಲಿ ಉಲ್ಲೇಖೀಸಲಾಗಿದೆ.

ಆದರೆ, ಈ ವಿಚಾರ ಊಹಾತ್ಮಕವಾದದ್ದು ಹಾಗೂ ಸತ್ಯಕ್ಕೆ ದೂರವಾದದ್ದು’ ಎಂದು ಸರ್ಕಾರ ಹೇಳಿದೆ.