ಸರ್ಕಾರ ಸತ್ತುಹೋಗಿದೆ: ಕಿಡಿಕಾರಿದ ಸಿದ್ದರಾಮಯ್ಯ

ಚಿಕ್ಕಮಗಳೂರು: ಪ್ರವಾಹದಲ್ಲಿ 7000 ವಿದ್ಯಾರ್ಥಿಗಳ ಪಠ್ಯ ಪುಸ್ತಕ ನಾಶವಾಗಿವೆ. ಈವರೆಗೂ ಪಠ್ಯ ಪುಸ್ತಕ ಕೊಡುವ ಕೆಲಸ ಆಗಿಲ್ಲ. ಈ ಸರ್ಕಾರ ಸತ್ತು ಹೋಗಿದೆ ಎಂದು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಕಿಡಿಕಾರಿದ್ದಾರೆ.

ಚಿಕ್ಕಮಗಳೂರಿನಲ್ಲಿ ಮಾತನಾಡಿದ ಅವರು, ಜನರ ಕಷ್ಟ ನಾವು ಯಾರಿಗೆ ಹೇಳುವುದು.  ಈ ಸರ್ಕಾರಕ್ಕೆ ಕಣ್ಣು ಕಾಣಿಸುತ್ತಿಲ್ಲ, ಕಿವಿ ಕೇಳಿಸುತ್ತಿಲ್ಲ ಸರ್ಕಾರ ಬದುಕಿಲ್ಲ, ಸತ್ಯ ಹೋಗಿದೆ ಎಂದರು.

ಸುಮಾರು 2 ಕೋಟಿ ಜನ ಕರ್ನಾಟಕದಲ್ಲಿ ನಲುಗಿದ್ದಾರೆ ಮೋದಿಯವರಿಗೆ ಮಾತೃ ಹೃದಯ ಇರಬೇಕು. ಎದೆ ಎಷ್ಟು ಇಂಚು ಇದ್ರೆ ಏನು? ನೂರು ಇಂಚು ಎದೆ ಇಟ್ಟುಕೊಳ್ಳಿ ಜನರಿಗೆ ಸ್ಪಂದಿಸುವ ಮಾತೃ ಹೃದಯ ಇರಬೇಕು ಎಂದು ನರೇಂದ್ರ ಮೋದಿ ವಿರುದ್ಧ ಕಿಡಿಕಾರಿದರು.