ನೂತನ ಜಲಶಕ್ತಿ ಸಚಿವಾಲಯ ರಚನೆ, ಗಜೇಂದ್ರ ಸಿಂಗ್‌ ಶೇಖಾವತ್‌ ಮುಖ್ಯಸ್ಥ

ಹೊಸದಿಲ್ಲಿ : ಪ್ರಧಾನಿ ಮೋದಿ ಅವರ ನೂತನ ಸರಕಾರ ಹೊಸ ಜಲ ಶಕ್ತಿ ಸಚಿವಾಲಯವನ್ನು ಸೃಷ್ಟಿಸಿದೆ.

ಈಗ ಅಸ್ತಿತ್ವದಲ್ಲಿರುವ ಜಲ ಸಂಪನ್ಮೂಲ ಮತ್ತು ಕುಡಿಯುವ ನೀರು ಹಾಗೂ ಶುಚಿತ್ವದ ಸಚಿವಾಲಯಗಳನ್ನು ಈ ಹೊಸ ಸಚಿವಾಲಯದಲ್ಲಿ ವಿಲಯನಗೊಳಿಸಲಾಗಿದ್ದು ಈ ನೂತನ ಸಚಿವಾಲಯಕ್ಕೆ ಗಜೇಂದ್ರ ಸಿಂಗ್‌ ಶೇಖಾವತ್‌ ಮುಖ್ಯಸ್ಥರಾಗಿರುತ್ತಾರೆ.

ಈಚೆಗೆ ಮುಗಿದ 2019ರ ಲೋಕಸಭಾ ಚುನಾವಣೆಯ ಪ್ರಚಾರಾಭಿಯಾನದ ವೇಳೆ ಪ್ರಧಾನಿ ಮೋದಿ ಅವರು ಜಲ ಸಂಬಂಧಿ ವಿಷಯಗಳನ್ನು ನಿರ್ವಹಿಸಲು ಸಮ್ಮಿಳಿತ ನೂತನ ಸಚಿವಾಲಯವನ್ನು ರೂಪಿಸಲಾಗುವುದು ಎಂದು ಹೇಳಿದ್ದರು.